Ka Iing dorbar Khasi Hills Autonomous District Council (KHADC) hynne ka sngi ka la mynjur ia ka mang tyngba ba T.35 klur ba la wanrah da u EM Finance bah Seiborlang Warbah na bynta lai bnai, kata naduh shitarik Iaiong haduh ka 30 tarik u Jylliew, 2025. U EM Finance ula iathuh ha ka iing dorbar haduh mynta ka council ka la ioh T.12,15,00,000 na ka T.24,30,00,000 ba la mang hapoh ka Untied Grant da ka 15th Finance Commission ka Sorkar Pdeng na ka bynta u snem 2021-2022.
Ïa kane la pyntip da u Executive Member (EM) ba khmih ia ka tnat IT, Land & Development u Bah Powell Sohkhlet haba jubab ha ka iing dorbar hynne ka sngi.“Ïa ka pisa na ka bynta ka Untied Grant la pyllait ha ka 11 tarik u bnai Nohprah 2024” la ong u Bah Powell.Haba iadei bad ka Tied grant, u Bah Powell u la ïathuh ba T.18,22,50,000 na ka T.36,45,00,000 ba la mang la pyllait ha ka 9 tarik Nohprah 2022.
Ha u snem 2020-2021, ka pisa kaba T.40,95,00,000 la pyllait hapoh ka Untied grant ha ki ar tylli ki instalment kata ha ka 10 tarik u Kyllalyngkot 2020 bad ka 10 tarik u Lber 2022 bad la pyllait ruh T.40,95,00,000 hapoh ka Tied grant ha ka 9 tarik Naitung 2021 bad 16 tarik Jymmang 2022.
You may also like
-
Ka Sorkar ba ialam ka NPP kam ju pyndonkam bakla ka bor pyrshah ia ki paidbah
-
T.400 klur na bynta ban pyntrei ia 53 tylli ki project ha Garo Hills
-
Ka MSFC kan pynthikna ban ym don uwei ruh ban iap thngan: DP Walang
-
Sdang ka DREAM na Shillong ban lum jingkhein ia ka jingdon nongdih drok
-
Shimkhia ka Sorkar Meghalaya-Assam halor ka jingïakynad ha Lapangap