Ïa ka kynhun niah thuk thuk lane ka Motor Cycle Expedition 2025 Wings and Wheels jong ki shipai Indian Air Force jong ka Eastern Air Command la pynkut hynne ka sngi HQ Eastern Air Command Shillong.
Ka kynhun niah thuk thuk kaba don 38 ngut kynthup 4 ngut ki kynthei ki la sdang ïa ka jingiaid lynti na AF Station Bagdogra ha ka 18 tarik Lber bad kiba ïa shim bynta ki kynthup ki Air Warriors, Agniveervayu (Women) bad ki riew paidbah naka Royal Enfield.
Ka jingiaid lynti jong ka kynhun niah arshaka ki shipai Indian Air Force kila ïaid lyngba ki jaka ba kynthup hapoh ka Jylla Assam, Arunachal Pradesh bad Meghalaya ha kaba ki iaid ka jingjngai kaba jan haduh 2900 Km.
Ha kane ka jingiaid lynti ban niah arshaka, ki shipau kila leit ïakynduh bad ki nongshong shnong, ki la leit jngoh ïa ki skul bad ki kolej bad haka jingïakren, ki paidbah bad ki khynnah skul kila pynpaw ka jingangnud ba rung shaka kam shipai.
Haba kren ha kane ka prokram, u Air Marshal Surat Singh u la ong ba kane ka jingthmu ka long ban pynphriang ïa ka jingtip shaphang ki lad treikam kiba bun kiba don ha ka IAF na ka bynta ki samla da kaba ai mynsiem ïa ki jinghikai bad jingïakren da ka kynhun niah arshaka ha ki jaka pule bapher bapher.
You may also like
-
Lap i’u rangbah ba sdien phasi ha dukan, suba kiba haiing ba shah pyniap
-
Ka Sorkar ba ialam ka NPP kam ju pyndonkam bakla ka bor pyrshah ia ki paidbah
-
T.400 klur na bynta ban pyntrei ia 53 tylli ki project ha Garo Hills
-
Ka MSFC kan pynthikna ban ym don uwei ruh ban iap thngan: DP Walang
-
Sdang ka DREAM na Shillong ban lum jingkhein ia ka jingdon nongdih drok