Ka Shad Suk Mynsiem,2025 kaba lai sngi, mynta ka la iaid ar sngi ha madan shad Weiking, Jaiaw, Shillong. Kane ka jingshad ka la sdang ha kane ka sngi Saitjain bad kan kut lashai ka sngi Nyngkong ka 7 tarik Iaiong. Ka sngi baar ka shad suk mynsiem ha madan Weiking, kala sakhi ia ka jingwan poi ki nongshad 579 ngut. Mynta ka sngi, ki kynthei ki wan iashim bynta ban shad 274 katba ki shynrang pat ki don 305 ngut ban pyniphuh iphieng ia ka lympung shad ha madan Weiking, Jaiaw.
Ia kane ka jinglehniam la sdang da ka jingduwai phirat ia u nongbuh nongthaw ha ryngkat ka jingsawa ka bom bad ki nongiashim bynta ki la leit ban iuh sha madan Weiking ban pynlong ia ka jingshad tynrai jong ki. Ha kane ka sngi ki thei bad ki rang samla kiba dang don ha ka niam tynrai na kylleng kane ka sor Shillong kila wan ban ia shim bynta ha kane ka jingshad ban ai nguh ia u trai nongbuh nongthaw.
La khmih lynti ba ka sngi kut kan sakhi ia ka jingtuid ki nongshad bad ki nongpeitkai byllien ha kane ka lympung kumba ju sakhi man u snem.
You may also like
-
Ïakhih ki driver bos pyrshah ïa ka sorkar halor ka jaka ïeng kali ha Ïew Mawlong
-
Sdang ka jingrakhe ia ka Jubili Ksiar jong ka Wangala Festival
-
Pan jingkyrshan ki MDC Congress JHADC ia u Vincent H Pala da kaba pyrto ruh iaki kam ka Congress
-
Yn nang kiew ki nongmihkhmat ka HSPDP ha u 2028 : KP Pangiang
-
Bam duh ka ding ba klang ïa ka godown ha Demseiñiong