Ka Ereen Lyngdoh Mawlong bad ka Angel Jollyza Marbaniang ki dei ki arngut ki khynnah pule Ka St.Thomas Higher Secondary School Mairang kiba ioh ban rung haka thup top 20 jong ka result SSLC bala pynbna daka MBOSE haka 5 tarik u iaiong 2025.
Ka Angel Jollyza Marbaniang kala ioh ban rung haka kyrdan kaba 10 katba ka Ereen Lyngdoh Mawlong kala poi haka kyrdan kaba 14. Daka jingioh rung kine ki arngut haka thup top 20 jong ka result SSLC 2025 ka St.Thomas Higher Secondary School Mairang ka lah ban sei haduh 12 ngut ki khynnah pule kiba la ioh rung haka merit list kynthuplang ia kito kiba la ioh ban rung haka thup top 10 haki por ba mynshwa bad kumjuh ruh ia kiba la ioh rung haka thup top 20 naduh bala pynbeit thymmai daka MBOSE.
Kaba sngewtynnad shuh shuh ka long ba naduh dangrit kine ki arngut ki khynnah pule ki don hapdeng ka jingiakhun ban iaknieh ban long ba nyngkong na kawei ka class sha kawei pat hynrei hapdeng jong kata ki long pat kiba ieid thep mynsiem bad kiba ju iarap markylliang iwei ia iwei. Kila iathuh ruh ba naduh class 4 haduh class 10, ha manla ki examin ym ju don kiwei pat ki khynnah pule kiba lah ban knieh iaka kyrdan kaba nyngkong bad iaka kyrdan ba ar naki hynrei ia knieh beit tang hapdeng jongki.
Ka Ereen Lyngdoh Mawlong kala iathuh ba ka angnud ban long kum ka Astronomer bad kumta kan bteng iaka jingpule haka science stream katba ka Angel Jollyza Marbaniang kala iathuh ba kan bteng iaka jingpule haka arts Stream namar ka angnud ban iakhun iaka Eksamin jong ka UPSC. Kine baroh arngut kila iathuh ba kin bteng iaka jingpule ha Mairang.
You may also like
-
Kumno ka L-Carnitine bad Green Tea ka iarap ban pynum ia ka khlein da kaba dih ia ka man la ka sngi
-
T.5 lak shisnem na MHIS, T.2 lak na CM Care ka bai sumar ia kiba pang Bampong
-
Pulom ka jingthmu pynkylla ain jied Waheh shnong ha Sohmynting ka JHADC
-
Phah jingthoh ka GTF sha ka DC ban khang klong shyiap ha Wah Kynshi
-
Shem jingeh ka jylla ban pyniaid shakhmat ka jingpule halor ka AI”