Ka Sorkar ka kyrmen ban pyndep kloi ki jingtei ba donkam ia ka Shillong Medical College hapoh u snem 2025-2026 bad ia ka Tura Medical College ha u snem 2026-2027. Dang shen u Myntri Rangbah ka Jylla ula lum ka jingïalang pyrkhat kam halor 2 tylli ki Medical College jong ka Jylla ha ka jingdonlang ka Myntri bad ki ophisar ka tnat ka koit ka khiah. Na ka liang ka Myntri ka tnat ka koit ka khiah ka Kong Ampareen Lyngdoh ka la ïathuh ha ka jingïalang ba pynïaid da u Myntri Rangbah, ki Ophisar ki la pyntip ba ki kam ki iaid beit iaid haba ia dei bad ka jingpynkhreh ban sdang noh ia ka Shillong Medical College.
“Ngi kyrmen ba ka rukom pyntreikam ia ki jingtei (Infrastructure) ha baroh 2 tylli ki Medical College ki iaid beit bad ngi khmih lynti ban ioh jingmynjur na ka NMC ban sdang noh shwa kawei ka Medical College hapoh u snem 2025-2026” la ong ka Kong Ampareen. Haba ia dei bad ka Tura Medical College, ka Myntri ka la ong, ka jingpyntrei ia ka College ki iaid beit bad na ka liang u Myntri Rangbah ka Jylla ula pynthikna ruh ia ka jingpyllait pisa ban pynbha ia ka Tura MCH hospital.
Ka Myntri ka la ong, ba ka Sorkar ka kwah hi ban pynïaid ïa ka Civil Hospital bad ka MCH Tura lada lah sdang noh ia ka Tura Medical College.
You may also like
-
Lap i’u rangbah ba sdien phasi ha dukan, suba kiba haiing ba shah pyniap
-
Ka Sorkar ba ialam ka NPP kam ju pyndonkam bakla ka bor pyrshah ia ki paidbah
-
T.400 klur na bynta ban pyntrei ia 53 tylli ki project ha Garo Hills
-
Ka MSFC kan pynthikna ban ym don uwei ruh ban iap thngan: DP Walang
-
Sdang ka DREAM na Shillong ban lum jingkhein ia ka jingdon nongdih drok