Ki shipai BSF ki la ioh kurup ia ki tiar ki tar bad la ioh bat ruh ia ka kali ba thmu ban shalan beain ia ki masi sha Bangladesh. Ka khubor na ki shipai BSF ka la iathuh ba ki la iohkem ia arngut ki briew bad la ioh kurup ruh ia ka kali kaba kit beain ia ki tiar ki tar, khlem ki kot ki sla ba biang . Ha ka jingtohkit ki shipai ki la iathuh ba u nongniah kali bad uba synran lang kim shym la don ia ki kot ki sla ba biang kaba ki lah ban shalan ia kine ki tiar ki tar shabar.
Na ka liang ki shipai BSF ki la aiti ia kine ki briew ba ki tiar ki tar sha ki pulit ka Umkiang na bynta ban leh ia kaba donkam. Ha kawei pat ka jingkhynra, ki shipai BSF ki la pynpulom ia ka jingthmu shalan beain ia ki 23 tylli ki masi sha Bangladesh.
Ia kine ki masi la ioh bat na kawei ka khlaw hajan khappud bad la pynkit da ka jingthmu ban shalan beain sha Bangladesh. Na ka liang ki shipai ki la long kiba peit pyrman bha ban iada ban pyllait na kino kino ki kam kiba beain.
You may also like
-
Ka Sorkar ba ialam ka NPP kam ju pyndonkam bakla ka bor pyrshah ia ki paidbah
-
T.400 klur na bynta ban pyntrei ia 53 tylli ki project ha Garo Hills
-
Ka MSFC kan pynthikna ban ym don uwei ruh ban iap thngan: DP Walang
-
Sdang ka DREAM na Shillong ban lum jingkhein ia ka jingdon nongdih drok
-
Shimkhia ka Sorkar Meghalaya-Assam halor ka jingïakynad ha Lapangap