U Symbud Myntri Rangbah ka jylla u Bah Prestone Tynsong hynne ka sngi ula lum ka jingialang ne ka Review Meeting ha Tura, halor ki projek shna surok ha rilum Garo.
Katkum ki khubor ba la ioh ki iathuh ha kane ka jingialang ki la iatai halor ki projek shna surok bapher kynthup ia ki projek jong ka Ministry of Road Transport and Highway, PMGSY, National Highway bad ki State Road.
Ki la iathuh ba la pynpaw ha ka jingialang ba kine ki projek ki la iaid shakhmat bad la kyrmen skhem ba ynda la pyndep ia ki projek baroh kin pynsuk ka leit ka wan bad kin ai jingmyntoi shibun ia ki paidbah ka rilum Garo bad ia ka jylla hi baroh kawei.
Ka jingthmu jong ka jingialang kynthup ki ophisar bad Engineer na ki tnad bapher, ka long ban ioh jingtip ban sngewthuh haduh katno ki kam ki jam ki la iaid shakhmat ka jingpyntrei ia ki projek shna surok ha ka rilum Garo.
You may also like
-
Hadien ka jingthwet ba kynnoh batbor Leit pyndem u Jonathan ha ki pulit Laitumkhrah
-
Phah jingthoh ki bah Hek sha u MR ban ai jingiarap ia kiba iap ha Lapalang
-
Ujor ejahar ba pynpra khyrdop JHADC
-
Ki ‘Social Media’ ki tuh ia ka jingtip shimet u briew ban ialam bakla ia ki paidbah”
-
Ryngkat ka riam tynrai kiew u Kitkupar ha rynsan ka WCOPA