Angnud u Myntri Rangbah ban pynlong ia ka National Games ha ka jylla kaban ym pyndonkam ia ki plastic

U Myntri Rangbah ka Jylla u Conrad K Sangma hynne ka sngi ula pynbna ba ka jylla kan pynlong ia ka National Games kaba 39 da kaba yn ym pyndonkam satia ia ka plastik hynrei yn pyndonkam da ki tiar ki tar kiba lah ban pyndonakm biang ne ‘Biodegradable’ ha ka National Games kaban long ha Meghalaya. U Myntri Rangbah ula kren ia kane, ha ka jingleit jurip ia ka Nongpiyur Government LP School bad ka pynpaw ia ka jingsngewkmen ia ka jingpyrshang jong ka jylla ban iakhun pyrshah ia ki niut plastic bad ula ai ruh ia ka jingkular ban pynthied ia ki tiar tem tiar put na ka bynta kane ka skul. Ha kane ka sngi, u Conrad Sangma ula leit jurip ia ki skul bad ia katei ka thain ha kaba la tei ia ka painkhana kaba la shna da ki nuit ki nier kiba la tam na ki plastik lyngba ka S.U.P.E.R CAMPAIGN 2024 (Single Use Plastic Eco Recycling) kaba la lamkhmat da ka My Meghalaya My Pride & Green Ammo ha ryngkat ka jingiatreilang bad ka Directorate of School Education & Literacy bad State Project Office SEMAM-Samagra Shiksha jong ka Sorkar Jylla. U Conrad ula ong “Ka thong ka jong nga, ka long ban pynlong ia ka National Games ka bym pyndonkam plastic ne kaba long pura kum ka ‘Biodegradable’,” bad ka banjur ia ka jingdonkam kyrkieh bad ia ka jingkongsan jong kane ka sienjam.

 Shuh shuh la pyntip ba ka Kompani kaba donbynta kala pynlong ia ka jingjurip bad ka thrang ban tei ia ka karkhana ha Meghalaya bad pan ia ka jingkyrshan na ka sorkar Jylla bad kane kadei ka projek kaba u Myntri Rangbah u thrang naduh dohnud. Kane ka sienjam kan pynlong ia ka jylla Meghalaya kum ka jylla kaba sdang nyngkong eh ha kaban shim ia kum katei ki sienjam. Kan long kaba eh shibun ban khang lut shisyndon ban pyndonkam ia baroh ki plastik, hynrei kan pyniar pat sha ka jingpyndonkam ia ki pla sha ka jingsong ia ki chips bad chocolate. U Myntri Rangbah ula banjur ban iaid ha ka lynti ha ki wat bapher bad ka pynpaw ia ka jingdonkam ia ka imlang sahlang ban iadonbynta lang bad ki sienjam kiba la shim da ka sorkar jylla.

U Nicholas Kharkamni jongka Super Campaign, Meghalaya Shillong, ula ai jingbatai halor ka project kaba pynleit jingmut ha kaban tylliat bad pyndonkam biang ia ki plastik hapoh ki skul bad ha kane ka sienjam kaba kyrpang ka kynthup ia ka jinglum ia ki plastik ban tei ia ki jingtei kum ki painkhana, ka jingpyni kumno ban pyniaid ia ki kam ki jam ha kaban lum ia ki niut ki nier bad ban kyntiew ia ka koit ka khiah bad ia ka jingshngain. Ha kane ka jingialang la iadonlang u MLA barim uba long ruh u Nongaibuit ka sorkar jylla u Bah Hamlet Dohling, u Director of School Education and Literacy bah J.A Marvin, Sub Divisional School Education Officer, Headmaster bad ki nonghikai jongka Nongpyiur Government Lower Primary School.