U Myntri ka tnat Bording u AT Mondal hynne ka sngi u la pynshai ba ka jinghiar jong ka um ha Damsite ne pung Umiam kam don jingiadei satia bad ka jingmaramot ia ka pung. Haba kren shaki lad pathai khubor, u Mondal u la iathuh ba la bun ki briew kiba phone ia u ba pynpaw ia ka jingsngewkhia halor ka jinghiar ka um bad suba ba ka lah ban dei na ka jingmaramot ia ka pung.
“Em, kam don jingiadei eiei ruh em bad ka jingmaramot ia ka pung. Ka um kala hiar ha utei u pud namar ba ngi ngi la buh ia ka por ban pynmih ia ka bording” u la pynshai. “Kumba ngi la kular ba kan ym don ka jingpynlip bording ha ka por ba rkhiang ka bneng khamtam ha ka por long eksam, ngi la pyllang ia ka um bad ngi khlem pynmih bording than na Umiam naba ngi la pynmih bording na kiwei pat ki tyllong.
Mynta ka um kala hiar hynrei kam mut ba ka don ka jingpei bad ka jinglait ka um. Ka dei namar ba ngi lah sdang ban pynmih boring naba kam don jingmut ban shu buh ia ka um ha kane ka por bala wan ka lyiur” u la ong.
You may also like
-
Donkam pynkylla ki rukom treikam ban kyntiew ka jingshakri ia ki paidbah”
-
Ka suk ban buh Entry-Exit Point ha Umling, hynrei ka jingeh ban wanrah ki ain ban peit bniah:Conrad
-
Ïap 5 ngut ki nongbylla katba dang pynkhuid pung ha Lapalang
-
Khring ka tamasa Sohtrun ia ki paidbah ha Delhi U Sohtrun Meghalaya ba bang tam, ka jaka rep yn pynheh haduh 1 lak Hectar: Jyotiraditya Scindia
-
U Himanta u shah khot sngewbha, ym don jingïadei bad ka jing ïakajia khappud