U Myntri ka tnat Labour u Bah Shakliar Warjri u la ïathuh ba ka Sorkar ka la bthah ia ki Labour Inspector ban leit jurip ia ki jaka pyntrei (Construction) ha kylleng ka jaka ban pynthikna ba ki briew kiba trei ki biang lut iaki kot ki sla. Ïa kane u Myntri u la jubab halor ka jingiai bteng ki sengbhalang ban khynra iaki kot ki sla jong ki nongbylla sngi kiba wan na bar ka Jylla Meghalaya.
Haba kren shaki lad pathai khubor u Bah Shakliar u la ong ba ka long kaba donkam daka ain (Mandatory) iaki Contractor ban pynrung kyrteng ïa baroh ki nongtrei hapoh ka tnat Labour ka Sorkar Jylla.“Hashuwa ba ki Contractor ki ioh iaka Work Order, ka long kaba donkam daka ain (Mandatory) ba kidei ban pynrung kyrteng iala ki nongtrei hapoh ka tnat Labour bad kane haduh mynta ka treikam” la ong u Bah Shakliar.
U Bah Shakliar u la ïathuh ba dangshen u la lum iaka jingïalang jong ka tnat Labour. “Haka jingïalang nga la bthah iaki Labour Inspector ban pynlong ka jingjurip ha manla ki Block, District ha baroh ba don ki jingpyntrei”
You may also like
-
Donkam pynkylla ki rukom treikam ban kyntiew ka jingshakri ia ki paidbah”
-
Ka suk ban buh Entry-Exit Point ha Umling, hynrei ka jingeh ban wanrah ki ain ban peit bniah:Conrad
-
Ïap 5 ngut ki nongbylla katba dang pynkhuid pung ha Lapalang
-
Khring ka tamasa Sohtrun ia ki paidbah ha Delhi U Sohtrun Meghalaya ba bang tam, ka jaka rep yn pynheh haduh 1 lak Hectar: Jyotiraditya Scindia
-
U Himanta u shah khot sngewbha, ym don jingïadei bad ka jing ïakajia khappud