Donkam pynkylla ki rukom treikam ban kyntiew ka jingshakri ia ki paidbah”

U Myntri Rangbah ka Jylla u Conrad K Sangma ula ong, ka National Conference ka ban jur ba donkam ki jingkylla ha ka rukom pyniaid khnang ban kyntiew ia ka jingtreikam bad ka jingshakri ia ki paidbah.U Myntri Rangbah ula kren ha jingialang ka National Conference ba ar sngi halor ka NEXTGEN Administrative & E-Gov Reforms ba la pynlong ha Nongbah Shillong hynne ka sngi.U Conrad ula pynpaw ka jingdonkam ban jop ia ki jingeh ban wanrah ia ka jingkylla bad kyrshan ia ki lad ban pynbha ban kyntiew ia ki rukom treikam.Haba kren shaphang ki jingeh ha ka E-Governance bad ka Administrative Reforms u la iakren halor ka jingpyrshah ia ka jingkylla bad ka jingtieng ban tyrwa ia ki jingmut kiba thymmai namar ki jingsngewthuh bakla kiba lah ban mih.

Ula kdew ïa ki nuksa jong ka CM Connect, ka prokram jong ka sorkar jylla kaba pyndonkam ïa ka teknoloji bad ka jingïakren markhmat bad ki paidbah ban leh eiei halor ki jingujor bad ki jingeh bad ula ban jur ruh ia ka jingdonkam ban ioh ia ka jingai jingmut jong ki paidbah na ki nongtrei hapoh jong u kiba ju iakynduh markhmat bad ki paidbah.”Ka thong ba kongsan kadei ban long ka jingai jingshakri ia ki paidbah bad ban wanrah ia ka jingkylla ha ka jingim jong ki,” la ong u Conrad bad ka ïathuh ruh shaphang ka Cabinet Retreat ka jylla ha kaba baroh ki tnad ki wanrah ia ki buit treikam nalor ki jingeh kiba mih na ka jingpynshlur ia ka jingiatreilang hapdeng ki Tnad.

U Myntri Rangbah ka Jylla, ula ïasam shaphang ka jingdonkam ban bat ïa ka jingmut jingpyrkhat kaba bha bad ka jingkwah ban leh bha na ka bynta ki paidbah bad ula banjur ruh ia ka jingdonkam ban iawan lang ban iasam ia ki jingjop bad ki jingduhnong bad ban ai mynsiem mar kylliang.