U CEM ka Jaiñtia Hills Autonomous District Council mynta ka sngi ula plie iaka Website thymmai jong ka council haka jingialang bala pynlong ha Conference Hall ka JHADC ba la donlang ruh ki MDC liang shynshar bad liang pyrshah nalor ki ophisar ka council.U Medling Swer EM ba dei peit jong ka tnat Statistics and Information Department uba pyniaid ruh iaka jingialang u ong ba ka council kala juh don iaka website hynrei ka khlem treikam shuh la kumba 13-14 snem kumta la shna pynthymmai noh daka jingiarap ka NIC. Kumta u khmih lynti ba kane ka website kan iarap bha iaki paidbah.
U CEM Thombor Shiwat haba kren u pynpaw ka jingsngewkmen ba la lah ban plie website da kaba thymmai bad kaba biang ha kiba bun ki bynta. U ong ruh ba lah ban don ki jingduna hangne hangtai hynrei daka jingai jingmut lang yn lah ban nang pynbha naka por shaka por. Ba ha kajuh ka por u kyntu iaki paidbah ban ai jingmut lang. Shuh shuh u iathuh ba lyngba kane ka website ki paidbah ki la ioh ban download iaki Form ba juh ai ka JHADC kum ki NOC, Land Holding bad kiwei khlem da donkam wan bunsien shuh sha ophis ka Council ha Jowai.
Ha kane ka sngi la ioh ruh ka jingkren na u Chairman ka Council, u Dr. Sankey Shangpung, u nongialam ka liang pyrshah u Andrew Shullai bad ka jingbatai bniah halor ka website na ka kong Poilang Langstang kaba dei ka Computer Engineer.
You may also like
-
12 tarik yn rung BJP u Dr. Jemino bad ki nongkyrshan, lah ban bud sa kiwei ki MLA
-
Ki khynnah ba pyrshah ia ka ain ki donkam jingsumar ban pynkylla, ym ban pynshitom kum ki nongkam sniew: Chief Justice
-
Ki daw ka jingiakynad ka UDP ba bujli myntri, 9 ki MLA kin leit rung BJP bad 2 ngut sha kiwei ki party
-
Don ki bor ba pyrshang tan ia ki MLA ha kiwei ki Party: Dr Mukul
-
Sam pata u MR ia ki nongshong shnong ba sah ha jaka sorkar