Ka kynhun Myntri hynne ka sngi ka mynjur ban thied jaka 6 akar na ki trai shnong ban shna pynheh ia ka kad liengsuin Shillong Airport. U Myntri Rangbah ka Jylla u Conrad K Sangma haba iakren bad ki nongthoh khubor ula ong, “Ngi la mynjur ia ka jingtyrwa ban thied jaka na bynta ban pynheh ia ka Shillong Airport”.
Ula iathuh donkam haduh 11.75 akar ka jaka ban pynheh ia ka Runway ne ka jaka ban hiar bad her ki liengsuin bad na katei 4.3 akar ka dei ka jaka jong ka shipai (Defence Land) bad donkam sa 6 akar ka jaka ba hap thied na ki trai shnong. U bynrap ba la thaw komiti ban khlieh da u Deputy Commissioner ban lum ia ka jingialang bad ki trai shnong ban pynbeit ia ka dor bad ka jingsiew ia ka bai lutksan sha ki trai jaka.
Hadien ka jingiakren ba bniah, ki la mynjur ban siew T.72.17 klur ka bai jaka, kynthup ki dieng, ki jingthung, ki jingtei bad kiwei kiwei ban ioh jaka shna pynheh na bynta ban wan hiar bad her ki liengsuin.
You may also like
-
Sdang ka jingkem ksew surok ha Jowai ban ai Injection Rabies
-
Shah beh u Bah Hoping na ka APHLC ba kyntait ia ka Autonomous State
-
Kim neh slem ki Seng Riewlum, ki bun tang ki kular kim lah ban pynurlong: Pala
-
Ngam sngewpher lada shah pynhiar shuki, ka kam MLA ban shakhri paidbah: Methodius Dkhar
-
Nga la kren bun sien ba don ka jingbym hun ia ka rukom treikam hynrei u nongalam u kyntait : Paul