Ïaroh u Sonowal ïa ka jingkiew ka kam jngohkai ha Meghalaya

U Myntri ka Sorkar Pdeng u Sarbananda Sonowal uba khmih ia ka Tnad Ports, Shipping & Waterways u Sarbananda Sonowal hynne ka sngi ula ong, iaroh ia ka jingkiew jong ka kam jngohkai hapoh ka jylla Meghalaya khamtam haba u Myntri Rangbahduh ka ri u Narendra Modi ula bhah tyngka bad ai ia ki skhim bapher ban kyntiew ia ka kam jngohkai ha Meghalaya. Haba iakren bad ki nongthoh khubor, u Sarbananda Sonowal ula iaroh ia ka Shillong ba kadei ka nongbah kaba itynnad bha bad ba ka jylla Meghalaya kadei ka jingai sngewbha jong ka mei mariang.

“Ka jingkiew ka kam jngohkai ha ka jylla ka long ka dak kaba bha, kaba pyni kumno ka Meghalaya kala kylla long ka jaka pdeng na ka bynta ki nongjngohkai kiba napoh ka ri bad bad kiba nabar ri” bad ka bynrap da kaba ong “Ka Meghalaya kadei ka nuksa kaba bha jong ka jingjop jong ka jingpyntreikam ia ka Scheme Swadesh Darshan, jha kaba kaa Sorkar Pdeng kaba la ialam da  u Narendra Modi kala bhah T.244 Klur ban kyntiew ia ka kam jngohkai kaba la lam ruh na ka bynta ban kyntiew ia ki jaka jngohkai kum ka Umium Lake, Sohpetbneng, Krang Suri Falls, Siju Caves bad Nokrek Reserve ba kin kylla dur noh kum ki jaka jngohkai kiba biang kyrdan ha ka pyrthei bad kaban kyntiew ia ka ioh ka kot ha ki shnong ki thaw bad ka lad ban aikam aijam”. U Myntri ka Sorkar Pdeng ula ong ruh, ba ki jaka jngohkai kiba don jingiadei bad ka niam ka rukom bad ki jaka kiba don naduh ki por kiba rim bajah kum ka shnong Nartiang bad Mawphlang kidei kiba la sdang ban kyntiew bha ia ka Meghalaya bad kumjuh ruh kum ki jaka jngohkai kiba paw ha ka thain shatei lam mihngi.

Ula ong ba ka sorkar hapoh ka jingialam u Modi kala theh ia ki kam pynroi ryngkat bad ka jingbei ia ka tyngka ia ka jylla Meghalaya kaba la kiew syndon sha ka 105%, kaba kynthup ia ka jingmang T.22,864 Klur na ka bynta ka Greenfield High-Speed Corridor, ka jingtei palat ia ka 540 Km ia ka surokbah National Highways bad ia ki Urban Mobility Project ha New Shillong bad ha Tura lyngba jongka PM-DevINE, ka post-matric scholarship ia palat 76,000 ngut ki samla pule kiba dei ki SC/ST/OBC, ka jingsam ia ka T.2,331 Klur lyngba ka MUDRA Loan bad ka jingpynkiew lai shah ha ka jingbhah tyngka ia ka National Health Mission (NHM) bad kiwei kiwei.