Ka Miss Meghalaya Organisation hapoh ka jingpeit ka Meghalaya Tourism Youth Development Society (MTYDS) ka la pynbna ïa ka Chaivalry Lartang kum ka nongjop jong ka Miss Universe Meghalaya 2025 bad mihkhmat ïa ka jylla ha ka jingïakob thei bhabriew ka Miss Universe India 2025. Ïa ka jingjied ïa ki nongïalehkai ha ka jylla la pynlong ha ka 14 tarik u Jylliew, 2025, ha Hotel Vivanta, Khyndailad, Shillong ha ka jingïakop la shim bynta katto katne ngut ki riew donsap na kylleng ka Jylla Meghalaya. Ia kane ka jingialang la pynlong da ka MTYDS bad ka Miss Universe India.
Ka kynhun nongbishar kynthup ïa u Amjad Khan, u Director jong ka Franchise Operations jong ka Miss Universe India; Ka Aqsa Varghese, Miss Universe Kerala 2024 bad ka Irene Dkhar, ka Miss Tourism India. Ka Chaivalry, kaba la ïoh mynshwa ïa ka kyrdan banyngkong ha ka Miss Meghalaya 2024, ka la pynhun ïa ki nongbishar da ka jinglong jemnud, ka jingshaniah, bad ka jingitynnad jong ka. Ka la thmu ban sdang ia ka jingpynkhreh bad jinghikai ha Delhi katba ka dang pynkhreh ban shim ia ka kyrdan jong ka ri ha ka Miss Universe India 2025.
Ki nongpyniaid ki la pynpaw ia ka jingsngew sarong ba khraw ia ka jingjop jong ka Chaivalry, da kaba khot ia ka “ka nongkitkhubor ba shisha jong ka jingitynnad, ka sap, bad ka mynsiem jong ka Meghalaya.”
You may also like
-
Ka Mawlong Nongtluh Weaving Center kan ai jingkyrshan ïa ki nongthaiñ jaiñ ka thain
-
Byrthen ïakhih ka KSU lada ym urlong ki 5 tylli ki mat jingdawa, kynthup ban pyndam ïa ka public hearing ka Shree Cement
-
Hukum ka Meghalaya HC ïa ka KHADC ban thung biang ïa u Ainam Manik kum u Syiem ba pura ka Hima Mylliem
-
Hapdeng ka jingiphuh kut ka shad Behdeiñkhlam ka Seiñraij Ialong
-
Hadien 2 bnai, ïaid biang ki kali harum Laitlyngkot, buh pulit ban shngaiñ ki paidbah