Sdang ka IIMA Ventures, SAP ïa ka North East Growth Lab ban iarap sengkam lajong

Ha ka jingpyrsjhang kaba shlur ban plie lad ïa ki  jingseng kam jong ka thaiñ shatei lammih ngi jong ka ri India, ka IIMA Ventures, lem bad ka jingïatreilang bad ka SAP, ka la sdang ïa ka North East Growth Lab (NEGL). Kane ka rynsan ka thmu ban pynïaid sha khmat ïa ki kam ki jam kiba leh katkum ki buit thymmai, ban kyntiew ia ki kam bapher bapher, bad ka jingkiew kaba kyllum  ha baroh ki phra tylli ki jylla jong ka thaiñ shatei lam mihngi – Assam, Arunachal Pradesh, Manipur, Meghalaya, Mizoram, Nagaland, Sikkim, bad Tripura. La leh ia ka NEGL hadien ka jingseisoh jong ka Assam Agribusiness Growth Lab (AAGL) kaba la ïoh jingkyrshan na ka World Bank bad la pynwandur ïa ka ba kan kyrshan ïa kumba 90 tylli ki kompany thymmai bad ki Social Enterprise ha ki lai snem ki ban wan. Kane ka prokram kan ai ruh ïa ka jingkyrshan pisa kum ka jingsdang (ba kynthup ïa ka grant, bad ka jingairam ba la tip kum ka convertible debt ne ka jingshim ram kaba lah ban pynkylla ia ka ram sha ka share ne bhah hadien habud katkum ka jingkwah jong I nongshim ram), ki jingai jinghikai, ki jingïalam lynti, ka jingpynioh ia ki iew ki hat ban iarap ia ki kompany ba kin nang kiew.

Da kaba shim kabu iaka jingtbit jong ka IIMA Ventures ban iarap ia ki jingseng kam seng kam bad ka jingkut jingmut jong ka SAP ban pynmih ïa ki jingsdang ia ka kam ha ka buit thymmai, ka hna ba thymmai, ka NEGL ka la long kaba la pynkhreh ban wanrah ïa ka jingkylla ha ka ïoh ka kot jong ka thaiñ. Ha kine ki san snem ki ban sa wan, la khmih lynti ba kane ka prokram kan ai jingmyntoi ïa kumba 500,000 ngut ki briew, khamtam ïa kito kiba na ki jaka kiba kham duna ka ïoh ka kot. Ka thmu ruh ban wanrah ïa ka jingshong dor jong kine ki jingpyrshang kumba 100 klur tyngka, bad ban wanrah ïa ka jingroi jong shiphew tylli ki kompany thymmai sha ka Series A funding.

Ka NEGL kan treikam kum ka rynsan ban pynheh ïa ka ïoh ka kot jong ka thaiñ da kaba wanrah ia ki jingai jinghikai bad jingbtin lynti, ban pynsted Iaka kam, bad ban kyrshan pisa na ka bynta ki kam kiba dang seng thymmai. Kane ka prokram kan pyndonkam ïa ka kalendar ba man la u snem na ka bynta ban pyniaid ia ki kam ki jam ban kyntiew ia kine ki jingtrei jingktah, kynthup ia ka jingkner sha ki kam kiba dang shu seng, ban don ki sngi kiba kyrpang kiban batai shaphang ka rukom kheng pisa, ban pynlong ki jingai jinghikai ban pynlong ha ka thaiñ shatei lammihngi bad kiwei kiwei ki nongbah jong ka ri. Shuh shuh rkin don ki jingïasnoh kti bad kiwei kiwei ki jaka treikam, ki nongbei pisa, bad ki tnat sorkar kum ka NABARD, NEDFI, NEHHDC, NERAMAC, bad ka Ministry for Development of the North East (mDoNER).