Rung ka Vi sha ka bynta kaba kiew bha ka jingiohnong kata sha ki kam pynmih drama lyngkot kaba nang kiew sted, bun thong ban plie ki lad ki kabu jong ka jingioh nong kaban poi shaduh ka $4.5 billion ha ki iew digital ha ka kam pynmih ia ki jingpynbyrngia

Ka Vodafone Idea (Vi) ka la pynbna ban rung sha ka bynta jong ka jingpynmih ia ki drama lyngkot, kaba pyni ia ka jingpyrshang kaba thmu ban shim ia kawei na ki bynta treikam kaba kiew stet tam ha ka ioh ka kot ha ka liang ki jingpynbyrngia digital jong ka ri India. Lyngba ka jingiatreilang bad ka Bullet Microdrama App, ka Vi kan tyrwa ia ki jingpyni phlim kiba lyngkot ki bym donkam siew ha ka rynsan Vi Movies bad TV. Kane ka jingpyrshang ka iahap bad ki jingkdew kiba pyni ia ka iew kaba khlain ha kane ka liang. Ka India ka don ia kumba 11% ha ka jingkhein kyllum kaba la lum na kylleng ka pyrthei, ha kaba iadei bad ka jingdownload ia ki drama lyngkot ha ka Q1 2025, kaba la kot sha ka jing install kaba long 35 million tylli, kaba pynpaw ia ka jingpdiang sted ia kine da ki nongpyndonkam mobile ha ka sien ba nyngkong. La antad ba kane ka bynta kan kiew sha ka 1.5 spah klur ha u snem 2026 bad yn nang pynheh shuh shuh sha ka 4.5 spah klur ha u snem 2030, kaba la wanrah da ka jingkiew ha ka jingrung jong ki smartphone, ka jingkiew ha ka jingpyndonkam ha ki iew Tier II bad III, bad ka jingkylla jong ka jingkwah ki nongpeit ia kiei kiei kiba lyngkot por. Ki jingthew kiba kynthup ia 40–90 minute kiba peit man ka sngi bad palat 90% kiba peit lut, ki pyni ia ka jinglah ban pynmih pisa bad ki jinglah ban ka jingsngewtynnad jong ki nongpynmih jingpynbna ban pyndonkam ia kine ki bynta na ka bynta ka jing pynmih ia ki jingpynbna. 

Ka jingmut jong ka Vi ban pyniasoh lang kan nang pynkhlain shuh shuh ia ki jingtyrwa jong ka, da kaba ioh lang 20+ tylli ki rynsan OTT kum ka JioHotstar, SonyLIV, ZEE5 bad Amazon MX Player, ryngkat bad 400+ tylli ki live TV channel. Ka thup jong ki drama lyngkot ka kynthup ia ka Rickshaw Romeo, AutoRaja, Lady Boss, Comedy Couple, bad Sweet 16, ka ban pynbiang ia ki jingdawa kiba na kylleng ki thain jong ka ri. 

Ha Shillong, la khmih lynti ba kane ka jingpynmih kan nang pynsted ia ka jingpyndonkam jong ki  digital content ha Meghalaya, ha kaba ka jingrung jong ka Internet bad ki jingdawa jong ki samla ka nang pynkylla dur ia ki jingkiew sted jong ki OTT. Kine ki drama lyngkot kiba ym donkam ban siew haba peit ki lah ban nang kham pynkhlain shuh shuh ia ka jingioh ia kine ki jingpynbyrngai bad ka jingioh ia ki nongpeit ia ki ha kane ka thian, kaba buh ia ka Shillong kum kawei na ki shlem kaba khlain tam ban pyndonkam ia kine kiei kiei na ka bynta ka jingioh nong ha ka liang ka digital ka thain shatei lam mihngi.