Iasoi MoA ka Tomonpo bad ka Mother India ban shalan Sohtrun shabar Ri

Ka Meghalaya Natural and Organic Society for Livelihood and Innovation in Agriculture (MEGNOLIA) hynne ka sngi kala plie ia ka lynti ban pyniasoi ia ka Memorandum of Agreement (MoA) hapdeng ka Mother India Farms kaba na Bengaluru kaba pyniaid iew ia ki marrep ki bym ai dawai bad ka Tomonpo Anglong Organic Farmers Producer Company Ltd ka kynhun ki nongrep kaba na Ri-Bhoi district. Kane ka jingiasoi soskular kan long ka jingkyntiew ia ki marrep ki bym ai dawai ban ioh ia ki syrnod, da kaba sdang na u Sohtrun, sha ka jingshalang ha ka ri bad Shabar Ri.

Kumba 300 ngut ki nongreo kiba la dep rejistar hapoh jongka Tomonpo Anglong Organic FPC ia mynta ki rep sohtrun ha ki 6 tylli ki shnong ha Ri-Bhoi.U Dr Vijay Kumar D u Commissioner & Secretary ka tnad ka rep ka riang, ula ong, “Ngi dap da ka jingkmen ban kyrshan. Ka thong ka jong ngi ka long ban kyntiew ia ka ioh ka kot jongki nongrep” bad ula ong ba ka sorkar ka khmih lynti ban don ia ka jingpyniaid ryntih ia ka jingai ia ki syrnod bad ban shalan ia ki marrep ha ki iew ki hat kiba don ha kylleng ki ri. Katba u R. Durairaj, CEO jong ka Mother India Farms, ula ong, “Ngi don ka jingngeit kaba skhem ha ka jylla Meghalaya, ngi lah ban lehbha shuh shuh bad ka FoodChain ID ruh kan ai ka jingbtin lynti ia ngi”.

 Ia ka Tomonpo, la thaw ha u snem 2017 hapoh jongka MOVCD-NER scheme, lyngba ka jingkyrshan jong ka Directorate of Horticulture, ka Tomonpo kala iar bad pyniaid haduh 500 hektar ka jaka bad pynmih haduh 600-800 metric ton u sohtrun man la ka snem. Ha kine ki 6 snem kiba la dep, kane ka jingiatreilang kala tei ia ka jingdon nam bad ia ka kyrdan ha kaban shalan sha ki nongthied kiba nabar ri kynthup ia ka Mother Dairy bad Reliance Fresh.