Pynshai paidbah ka Adani Group halor ka Mahabal Cement; jingaijaka ka Assam kidei kiba khlem nongrim

Ka Adani Group ka la pynshai paidbah halor ka jingsapriang khubor ba ka don jingiateh bad ka Mahabal Cement, kata hadien ba lapybna ba ka sorkar Assamka la ai 3,000 bighas ka jaka ha DimaHasao district na ka bynta ban pynieng karkhana dewbilat.
Ha u kyrwoh Ahmedabad, ka group ka lapynpaw shai kdar ba kam shym long trai ia ka Mahabal Cement, lane iatehlok lane ialong kawei hapoh ka Adani Group. “Ki khubor kiba mih ki dei long kiba bakla jur bad khlem nongrim bad kiba ialam bakla. Ban pynmih ia ka kyrteng ka Adani ha kaMahabal Cement ka dei kaba bakla haduh katta katta,” ong u nongktien ka group uba kyntu jur ia ki lad pathai khubor, digital platform, bad paidbah ban kiar ban pynsaphriang khubor khlem da tip tikna.
Ha kyrwoh ka group ka la ong:
“ Ngi ioh jingtip haba iohi ia ki jingthoh lyngba ki pathai khubor, social media bad ki clip, kumjuh ki video na ka iingbishar kiba la pynsaphriang kaba la kam ba ka sorkar Assam ka la kular ban ai 3000 bighas ka jaka ha DimaHasao sha ka Adani Group na ka bynta ban shna ia ka karkhana shwa dewbilat.
Ngi pynpaw shai hangne ba kitei ki khubor ki long kiba bakla, kiba khlem nongrim bad kiba ialam bakla. Ban pyniasoh lang ia ka kyrteng Adani ha ka Mahabal Cement ka long kaba bakla jur. Ka Mahabal Cement kam dorn jingiadei eei bad ka Adani Group.
Ngi kyrpad jur ia ka kynhun ki nongpathai khubor, nongthoh khubor lyngba ki digital platform bad ki paidbah ban wad shwa ia ki jingshisha shuwa ban pynaphriang. Namar kum kitei ki khubor ki ialam bakla bad pynkulmar ia kiba bun balang.
Ha Shillong, ki stad pyrkhat ki khmih lynti ba kan don ka jingktah ha ka kam shnaiing sha sem bad karkhana. Ki nongkhaii bad ki nongbei tyngka, kiba dang khreh ban pyiar ia ki karkhana ki shem jingeh namar ba ih kum kitei ki khubor ba ialam bakla, ki lah ban ïoh biang ïa ka jingshaniah, ban kyrshan ïa ka jingtreikam kaba kham stet bad ka jingthmu ha ki iew jong ki tiar shna ïing bad ki iew karkhana.