Ai jingmut ka FKJGP ban khang 4 sngi, plie 3 sngi ia ka surok Shillong-Pynursla-Dawki

Ka Federation of Khasi Jaintia & Garo People (FKJGP) Riwar Mihngi Circle hynne ka sngi ka la ai jingmut ban khang 4 sngi bad ban plie lai sngi ia ka surokbah 260 jong ka Shillong-Pynursla- Dawki, khnang ban lait na ka jingma bad ka jingsahkut kali ha katei ka thain.

U President ka seng u bah Evanfield Khongtam ula ong ba kane ka jingai jingmut ka long hadien ba ha katei ka thain ka la mih bun ki jingjia ba sngewsih na ka jingtwa ki maw haduh ba la duh ei ia kiba bun ki mynsiem briew.

Ula ong ba kane ka jingai jingmut ban khang ia ka surok 260 jong ka Shillong-Dawki ka long khamtam narum Laitlyngkot shaduh Mawlieh khnang ban ym pynthut ia ka kompeni kaba shna ia ka surok.

U President ka seng ula ong ba katkum ka jingpeit bniah ka seng, lada ka kompeni ka trei tang hyndiat por ban pynhap ia ki maw ki khyndew ha Laitkynsew ka lah ban wanrah ka jingsahkut kali bad ka lah ban wanrah ka jingsngewsih. Hynrei lada ka kompeni ka lah ban treikam kham bun por, ka lah ban wanrah ka jingkhuid bad ka jingkylluid ki kali ha ka leit ka wan ha ki surok.

Katkum ka jingong u ban Evanfied, ha Laitkynsew ka jingpynhap u maw bad ka khyndew ha ka por slap ka don jingma na bynta ki kali bad kam shangain ia ki paidbah ban iaid ban ieng.

“Ngi la ai jingmut sha ka sorkar bad ka kompeni ba kan khang surok noh saw sngi bad plie noh lai sngi kata kaba mut ban plie noh ha ka sngi Iew Dawki, sngi Iew Pynurla, bad Iew Lyngkhat,” ula ong.