Palat 1,27,643 ngut ki khynnah naki 2322 ki skul jong ka Jylla Meghalaya kila shim bynta haka lehkmen ‘Tithi Bhojan’ kane ka jingiabam sngewbha bad la ki shnong kiba kitei ki skul ki don. Iaka ‘Tithi Bhojan’ ha Meghalaya baroh kawei la lehkmen naduh 13 haduh 15 tarik Nailar.Ka thong jong ka ‘Tithi Bhojan’ kadei ban pyniajan bad ki para briew khamtam ki shnong ba don ki skul ban ia kynduh lang baroh bad ban shet bad ia bam ja lang bad ki khynnah skul.
Ki marbam ba pyndonkam haka jinglehkmen kidei hi kiba la rep bad kheit hi nala ki kper kiba don haki skul lane ki longiing kiba don marjan bad ki skul.Ka ‘Tithi Bhojan’ kam dei tang ka jingbam, hynrei ka jingpynpaw ia ka kolshor jong ka jingsngewnguh bad ka jingiadei para briew, ha kaba ki kmie ki kpa, ki nonghikai, bad ki nongshong shnong ki la iawan lang ban shet bad iasam jingbam bad ki khynnah skul.
Haba pynpaw ïa ka jingkordor jong kane ka jingrakhe, ka tnad pule puthi jong ka Jylla Meghalaya ka la ong, “Ki skul ha Meghalaya ki la ïawan lang na ka bynta ka ‘Tithi Bhojan’ ha kaba ki paidbah hi ki la shet jingshet, ïasam lang, bad ki rakhe ïa ka mynsiem jong ka jingïatylli.
You may also like
-
Ka Sorkar ba ialam ka NPP kam ju pyndonkam bakla ka bor pyrshah ia ki paidbah
-
T.400 klur na bynta ban pyntrei ia 53 tylli ki project ha Garo Hills
-
Ka MSFC kan pynthikna ban ym don uwei ruh ban iap thngan: DP Walang
-
Sdang ka DREAM na Shillong ban lum jingkhein ia ka jingdon nongdih drok
-
Shimkhia ka Sorkar Meghalaya-Assam halor ka jingïakynad ha Lapangap