Kyntu u Chancellor ka VIT ban pynkhlain bei pisa ïa ka pule puthi ban pynïaid ïa ka jingkiew ha ka ri shwa u 2047

U Dr. G. Viswanathan, Chancellor of Vellore Institute of Technology (VIT), u la ban jur ba ka pule puthi kadei kaei kei kaba kongsan bha na ka bynta ban pynkylla ia ka India sha ka ri kaba kiew bha ha baroh ki liang kat ha ka snem 2047. U la kren ia kine ki kyntien ha ka jingialang pynkup burom ia ki samla pule jong ka VIT, kaba la long mynta ka sngi hapoh ka jingialam jong u..

La pynshongkhia ia kane ka jingrakhe da ka jingiadon lang jong u Justice ka Supreme Court U R. Mahadevan kum u kongsan, uba la ai ia ki degree certificate sha ki samla kiba la pyndep ia ka jingpule jong ki. Baroh ki samla pule kiba la pyndep ia ka undergraduate degree ki don haduh 8,310 ngut, 2,802 kiba la pyndep ia ka postgraduate degree, bad 451 ki la ioh ia ka doctoral degrees. Nalor kata, 203 ngut ki samla ki la wan ha ki kyrdan ba shalor bha bad 68 ngut kiba la ioh ia ka takma ksair namar ka jingleh bha jong ki ha ka jingpule. U Director ka Tamil Nadu Police Academy u DGP Sandeep Rai Rathore u la ioh Ia ka kyrdan Ph.D. ha ka Disaster Management. U Sivakumar Sundaram, uba long U Chief Executive Officer jong ka The Times of India, u la iadon lang kum u symbud kongsan bad u la ai jingkren.

Ha katei ka jingrakhe, la plie ruh ia ki hostels na ka bynta ki samla pule ba la ai kyrteng Dr. A.P.J. Abdul Kalam bad Jagadish Chandra Bose.

La iadonlang ha katei ka jingpynkup burom da ki VIT Vice Presidents Shankar Viswanathan, Sekar Viswanathan, G.V. Selvam, Trustee Ramani Balasundaram, Executive Director Sandhya Pentareddy, Assistant Vice President Kadhambari S. Viswanathan, Vice Chancellor V.S. Kanchana Bhaaskaran, Associate Vice Chancellor Parthasarathy Mallick,bad Registrar T. Jayabarathi, napdeng kiwei kiwei.

Ka jingkren jong u Dr. G. Viswanathan:

U Dr. Viswanathan u la pynpaw ia ka jingdawa kaba la slem bha bad kata ka long ban mang 6% jong ka  GDP ka India sha ka pule puthi, da kaba kdew ba ia mynta la pynlut tang 3%. “Ki sorkar jylla ki hap ban lut 75% ha ka pule puthi, bad kaba sah ka jinglut kan long na ka sorkar pdeng. Ka Tamil Nadu kadei ka jylla kaba lam khmat ia ka ri ha kane ka liang da kaba mang haduh 21% na ka mang tyngkat jong ka sha ka pule puthi,” u ong.

u ka kdew ba ka sorkar pdeng ka la bhah tang 2.5% na ka mang tyngka jong ka kaba long ₹55 lak klur sha ka pule puthi. Da ka jingdon jong ki khynnah pule kiba don haduh 4.3 klur ngut ha ki jingpule kiba kham shalor, kane ka kyndon kaba thymmai jong ka pule puthi ka thmu ban pynioh haduh 50% ka Gross Enrollment Ratio (GER), kaba donkam ban kyntiew shuh shuh ia ka jingdon jong ki khynnah sha ka 8 klur. Ia kane, u a ban ba donkam shuh shuh ki kamra klass, ki jingtei bad ka jingbei pisa.

U Dr. Viswanathan u la kren ruh ba ki skulbha ha India kim paw ha ka pyrthei, bad ka VIT  mynta ka don ha ka kyrdan ba 500. “Ngi daonkam ban pyrshang ban pynpoi sha ka kyrdan ba 100 ne 200 ha ka pyrthei,” u la kyntu Shuh shuh u la pynpaw ba ka jingpyrshang jong ka VIT ban iarap ia ki samla kiba wan na ki longiing ba duna ka ioh ka kot, bad 10,000 ngut ki samla pule kiba na ki thain kyndong jong ka North Arcot region—ia kaba la phiah mynta ha ki saw tylli ki district bad ka jingdon jong u briew ka long 75 lakh—ki la ioh scholarship.

U la kren ruh shaphang ka pisa kaba khlem jingkhein, kaba lait na ka khajna, bad ka jingbam sap kidei ki jingpang ba ka ri ka don, da kaba ong “Ngi duh ₹8-9 lak klur man la u snem na ka jingbym ioh ban lum khajna bad ₹6 lak klur na ka jingbam sap. Ka pisa ba khlem jingkhein jong ka India kaba don ha ki Swiss bank ka la tam ban ia ka pisa ba la khein kyllum lang jong baroh ki ri. Ki samla kumta ki donkam ban iakhih ban rat diengkhong ia kane ka jingeh.”