Pynkhlaiñ ka Medanta ïa ka jingdon ha ka thaiñ shatei lamihngi, plie lynti na ka bynta ki jingpuid ba kham bha ha Shillong 

Ka Medanta — The Medicity, kaba la shah jied kum ka hospital shimet ba bha tam ha India da ka Newsweek la hynriew snem mynta, ka la nang pyniar ia ka jingtreikam jong ka ha ka ka thaiñ shatei lamihngi lyngba ki prokram kiba la shna kyrpang ha Shillong kaba phai khmat ban ai jingsumar ha ka liang ki jingshitom brachial plexus bad leh ruh ia ki plastic surgery kiba la leh lyngba ka kor komputor. Ia kane ka jingsdang ia kaba la leh ryngkat ka jingiatreilang bad ka Indian Medical Association (IMA) Meghalaya branch bad ka Meghalaya Medical Services Association (MMSA), ka la pyni ia ka jingkiew ka jing dawa na ka bynta ki lad ai jingsumar kiba kham bha ha ka thain. 

Ia kane ka jingpynlong la lam khmat da U Dr. Rakesh Kumar Khazanchi, Chairman  jong ka Plastic, Aesthetic and Reconstructive Surgery ha Medanta.  Haba ai jingkren shaphang ki jingshitom ne jingmynsaw jong ka brachial plexus, u la ong ba ka jingpuid kaba kloi, kaba hapoh hynriew bnai – ka lah ban wanrah ïa ka jingpher. U la pynshai ruh halor ka jingtreikam halor ka jingdonkam jong ka physical therapy na ka bynta ka jingïoh khiah jong ki nongpang. Ha kaba iadei bad ki jingpuid ba leh da ki kor komputor u Dr. Khazanchi u la batai ba ki jingpuid ba shu leh da ki kor komputor ne virtual surgical planning, 3-D modeling, bad ki jingthep ne kylliang ia ki dkhotmet ba sniew da kiei kiei kiba bha ha ki nongpang ne ki patient-specific implants ki lah ban pynpher ïa ka rukom treikam ha ka jingshna ia ka dur khmat ne craniofacial reconstruction, ha kaba ka AI ka lah ban ïarap ïa ka jingbniah. 

Ha Shillong, ka jingdawa ia ki lad ai jingsumar ki la nangkiew na ka daw ka jingkiew sted ki jingjia iatyngkhuh kali bad ka jingnang kiew ka jingioh jingtip shaphang ki rukom ai jingsumar kiba kham kyrpang. Ki riewshemphang ki ngeit ba ka jingrung jong ka Medanta sha ka thaiñ kan wanrah ïa ka jingkylla sha ka jingbei tyngka sha ki lad ai jingsumar ba kham sha jrong, ka jingioh lad kham bun jong ki nongpang ban jied ia ki jingsuamr, bad ki lad ban ioh ka ïatreilang bad ki jaka ai jingsumar kiba na ka thaiñ bad kiba na kylleng ka ri. Ha kane ka lympung la don ki nongïalam jong ka IMA bad ka MMSA bad ruh Dr. C Daniala bad Dr. Bhaskar Borgohain.