Da ka jingthmu ban shna pynbha pynmiat ia ka madan Jrisaleiñ ba don ha Chutwakhu Jowai, ka madan ba juh pynlong ia ki prokram bapher bapher la ki prokram sorkar ne jong ki riew shimet, hynne ka sngi u MLA ka Jowai, u Wailadmiki Shylla ula lum jingialang ha Jowai Municipal Board bala donlang naduh ka Additional Deputy Commissioner, WJH kong DV Lyngdoh ki nongialam ka Kur Challam, u waheh shnong ka Chutwakhu, ki nonghikai ka Government Boys’ HSS Jowai, ki ophisar naka tnat PWD bad kiwei.
Hadien ka jingialang ki la leit jurip ia ka madan Jrisaleiñ bad na ka liang u Wailadmiki Shylla haba kren sha ki lad pathai khubor ula ong, naduh mynshwa ula don ka jingpyrkhat ban shna pynbha ia kane ka madan namar dei kaba don hapdeng ka sor Jowai bad ruh ka madan ba juh pynlong manla u snem ia ka jinglehkmen Republic Day bad Independence Day.
Ki bynta ba i donkam ban shna pynbha ha kane ka madan kynthup ka jingker iaka madan, ban shna ki jaka shong ne Gallery.Bad halor kane ka jingthmu u ong donkam ban shim jingkheiñ shwa bad ap iaka rai naka skul Govt Boys’ HSS, naka Kur Challam bad kiwei khnang ban lah iaid shakhmat iaka kam.Haka jingia dei bad ka jingslem ban shna ia kane madan, u Wailadmiki u ong ba ha ki por ba la dep dei ba don ka jingthut khyndiat haba ia dei bad u pud u sam.
You may also like
-
Pynbna u Bah Prestone ban shna surok sha Mawkhap-Nongjri Wahskong
-
Pyni riam tynrai Khasi Jaintia bad Garo ha Paris
-
Thut ka rukom sam um ba bthei ki Pipe ba trei torti ka NHIDCL, kynnoh u Myntri
-
Yn buh kamera CCTV sa 20 tylli ki shnonng nalor ka Mawlai Mawroh
-
Tar hi u MDC ia ka plastik ïong na ka ïit kali ba shah rah ha Police Station