Khnang ban wanrah ia ka jingshong shngain hapoh shnong ha thaw, ka Dorbar shnong Mawkhar hynne ka sngi ka la buh haduh 25 tylli ki kor CCTV ha kylleng ki jaka jong ka thain Mawkhar.Ka jingthmu jong ka Dorbar shnong ban buh ia kine ki kor CCTV ha kylleng ki jaka, ka long ban iada bad ban shngain ki nongleit nongwan ha kane ka thain bad ban lapdien lada don ki runar kynthup ki nongdih Drok, ki nongdie drok, ki nongtuh nonglute bad ban lap ruh lada don kiba pynkhein da kaba pynieng kali kulmar ha kitei ki thain.
Na ka liang ka Dorbar shnong Mawkhar ka la maham tyngeh ba lada lap ia kino kino kiba leh bad iaid pyrshah ia ka shnong, yn pynshitom katkum ki kyndon ba la buh ka shnong.Na ka liang u Rangbah shnong ka Mawkhar u Bah Ransom Sutnga ula ai khublei ruh ia ka tnad Shillong Municipal kaba la noh synniang san tylli ki CCTV sha ka shnong.
Ula pynpaw ka jingkyrmen ba lyngba ka jingdon ia ki CCTV kan nang pynkhlain shuh shuh ia ka rukom treikam ka shnong.
You may also like
-
Ka AMMRPWU kam don bynta shuh bad ka JAC: Bah Nazarius K Lanong
-
Shah kawang Petrol bom ka Lumdiengjri PS, julor ka kali DHS ba kem ding
-
Iakynduh ka kynhun ki Nongthoh khubor na UP ia u Lat ka Meghalaya
-
Noh synniang ka APSTA da ka ‘Charity Home’ ha rakhe sngi iap u Thomas Jones
-
Balei phim rung BJP ban ioh plie dewiong, ong u Amit Shah ia ki MLA UDP