Pynmih ka Vi ïa ka Vi Protect AI-powered safety na ka bynta ki nongpyndonkam bad ki jaka treikam ha ka IMC 2025

Ka Vi, ka kompany ba ai jingshakri ha ka liang ka telecom kaba pawbha jong ka India, ka la pynbna ïa ka Vi Protect, ka jingsdang treikam da ka AI kaban tehsong ia baroh ki nongpyndonkam ia ka Vi, ka network bad ka jingshngain ki jaka treikam ban ïada na ki spam, ki scam, bad ki cyber-attacks baroh ha ka shi jaka. Kum shi bynta jong kane ka jingpynsdang, ka Vi ka la wanrah ïa ar tylli ki kyndon ba skhem ha ka India Mobile Congress (IMC) 2025. Ka AI-based Voice Spam Detection System bad ka jingïada network kaba pyndonkam da ka AI bad ka incident response system na ka bynta ka network jong ka. Ka Voice Spam Detection jong ka Vi ka lah ban pynpaw bad ban pyni ïa ki phone call ba thok ha ka por ba ka dang jia. Da kaba pyndonkam ïa ki AI kiba la pyntreikam bha, ki web crawlers, bad ka jingai jingmut jong ki nongpyndonkam, ka lah ban ithuh ïa ki phone call ba thok shwa ba kan poi sha ki nongpyndonkam.

 Lada ki nongpyndonkam jong ka Vi ki ïoh ïa ki phone call ba thok, ha ka phone jong ki yn paw ba thoh ‘Suspected Spam’, kane kan ïarap ïa ki nongpyndonkam ba kin jied lada ban shim ne ban ym shim haba phone. Ym kum kiwei ki third-party caller ID apps ne ki app kiba don ki bym dei na ki kompany ba paw, kane ka jingpynmih ka treikam hapoh jong ka network jong ka Vi, kaba pyntikna ïa ka jingïada kaba skhem bad ka jingdei kaba biang. Kane ka jingpynmih ba thymmai ka treikam halor ki kyndon jong ka Vi ban ïada ïa ki nongpyndonkam kaba la hap mynta hapoh jong ka Vi Protect, kaba kynthup ïa ki: Spam Filtering jong ki Text Messages ne ban weng ia ki message kiba wan na kino kino ki bym tika, International Calling Display ne ka jinglah ban pyni ia ki nombor ba wan na bar ri, bad ki AI-powered Threat Analysis ne ka jinglah ban tip ia kino kino ki jingma.  Ka Vi shen kan sa pynmih ïa ka URL Protection ka ban treikam hangto ka khyllipmat: da kaba scan bad block ïa ki link ki bym i shisha khnang ban pyllait na ka phising bad ki malware attack. Hapoh jong ka Vi Protection, ka Vi ka la pynmih ïa ka AI-powered Cyber Defense kaba kham bha bad ka Incident Response System ban ïada ïa ki network jong ka bad ki jingpyntrei jong ka. Kane ka lad ïada ka treikam halor ka five-step defense mechanism kaba kynthup ïa ka: Anomaly Detection, Contextualization and Categorization, Interface Engine Agent, Suggestive Intelligence, bad ka Human Validation. Haba kren shaphang kane, U Jagbir Singh, Chief Technology Officer, jong ka Vi, u la ong, “Ka Vi Protect ka pyndonkam ïa ka AI bad ki kyndon treikam ban ïada ïa kito ki nong pyndonkam jong ka Vi bad ruh ban pynkhlaiñ ïa ka network jong ngi.”