Ka kynhun Myntri Sorkar hynne ka sngi ka la mynjur ban thungkam pura ïa 283 ngut ki Special Educator hapoh ka Jylla. Ïa kane ka jingthung kam pura la leh katkum ka jingbthah ka Supreme Court katkum ka hukum File Number EDN.170/2023. Haba kren sha ki lad pathai khubor u Myntri Sorkar u Bah Wailadmiki Shylla uba dei ruh u nongaiktien ka Sorkar MDA ula ong ba kine ki 283 ngut ki dei lypa ki nongtrei Contractual bad ka la donkam ia ka Sorkar ban thup kam pura noh.
U Bah Wailad ula ong ba ka don ka Case ha Supreme Court bad ka Jylla Meghalaya ka donkam ban don ki Special Educator namar kata ka kynhun Myntri sorkar ka la ai ka jingmynjur.
“Namar kata haba ki la don lypa ki nongtrei Special Educator, ka Sorkar ka la sngewdei ban thungkam pura noh ia ki 283 ngut kiba la don lypa ha ka kam” la ong u Bah Wailad.
You may also like
-
Kumno ka L-Carnitine bad Green Tea ka iarap ban pynum ia ka khlein da kaba dih ia ka man la ka sngi
-
T.5 lak shisnem na MHIS, T.2 lak na CM Care ka bai sumar ia kiba pang Bampong
-
Pulom ka jingthmu pynkylla ain jied Waheh shnong ha Sohmynting ka JHADC
-
Phah jingthoh ka GTF sha ka DC ban khang klong shyiap ha Wah Kynshi
-
Shem jingeh ka jylla ban pyniaid shakhmat ka jingpule halor ka AI”