Shim bynta 400 ngut ki samla ha ka CM Youth Prokram ha Umsning Block

Palat 400 ngut ki samla na kylleng jong ka Block Umsning ki la shim bynta ha ka program Chief Minister Youth Engagement Program ba ar sngi ba la long ha Umsning C&RD Block ha ki jingiakop bapher bapher ba pynlong da ka ophis jong u District Sports Ophisar, Nongpoh.Ha katei ka program ba ar sngi ba la pynïaid da ka Ophis District Sports Ophisar Nongpoh ha ka jingiasnohkti lang ka Ophis u BDO Umsning la pynlong ha ka 27 bad 28 tarik Risaw ha Umsning Edu Well Hall bad ha kitei ki arsngi la pynlong ïa ki jingiakop bapher bapher kiba kynthup naduh ka jingiakop, Shad bad Rwai Tynrai, Jingiakop Tem Guitar, Quiz, Jingiakop Pyni Sap, ka jingiakop Thoh Poetry, Thoh Story, Drow Jingdro, Jingiakop Shna jingshna da ka kti bad shibun kiwei kiwei pat ki jingiakop.

Haka sngi sdang jong ka tei ka program la plie Pyrda da u BDO ka Umsning Block U Bah Andrew L. Myrthong bad la pynhap Pyrda pat da u MLA ka Umsning u Dr. Celestine Lyngdoh kum u kongsan hakaba la ïadonlang da u Bah Bobby L Nongbet DSO Ribhoi, Kong Rida Lyndem PTI District Sports Ophis, Nongpoh lem bad kiwei kiwei.

Kaba kham pynlung mynsiem ha kitei ki jingiakop kaba arsngi ka dei ka jingwan ban ia shimbynta lang daki samla pule kiba duna haka bor ioh sngew bad bor kren na Fernando Speech & Hearing Center hakaba naka liang jong ki ruh ki la ia shimbynta lang ha kitei ki jingiakop bad ha kajuh kapor ki la Pynpaw ruh ïaka jingkmen ban ioh ia shimbynta lang ha kane ka program kaba la long kum kawei naki rynsan kaba la ailad iaki ban pyni iaki sap ba ki don bad ki la buh ruh iaka jingkyrpad ba kin kynthup lang iaki Jingialehkai sports ha kiwei pat ki snem.Ha kaba kut jong katei ka program na ka liang ka Ophis u DSO ka la sam ia ki khusnam sha baroh ki nongjop haki jingiakop bapher bapher bad ki la pynbna ruh iaki 68 ngut ki samla kiba la shah jied ban leit ia shim bynta pat sha ka District Level CM Engagement Program ka ban sa long ha u bnai Naiwieng.