Ïalam ka MSSDS-EW ïa ki samla shah hikai seng kam ban sngewthuh ïa ka iew

Ka Meghalaya State Skill Development Society ryngkat bad ka District Skill Committee, Eastern West Khasi Hills District, kaba don ïaka jingthrang ban pynkup bor iaki samla daki sap trei kti katkum ka jingdawa bad jingdonkam ka ïew khnang ba kin ïoh ka lad ban kamai lyngba kane ka sap, mynta u snem kala khot ïaki samla ka District ba kin wan sha ki training bapher bapher bad haka 28 bad 29 tarik u risaw 2025, kum shi bynta ban ailad ïa kine ki samla kiba la ïoh ïaki jinghikai pyntbit haki skill bapher bapher, ba kin sngewthuh ïaka ïew ka hat bad ba kin ïoh ïaki jingmut na ki ïew ïadie thied, ka MSSD Eastern west khasi hills hapoh ka jingialam u skill development ophisar u bah Samuel Nonglait ryngkat bad ki shlem ai jinghikai, kala ïalam ïa kine ki samla sha ka Fund Raising Program jong ka Shnong Pyndengumiong Mairang bad hangne hakhmat u paidbah uba bun kine ki samla kila ïoh ban pyni ïaki sap jongki ba kila ïoh lyngba ki training.

Kine ki samla ha kine ki ar sngi kila ïoh ban pynkhap shniuh ei ïaki paidbah, kila shet  ïaki jingbam bapher bapher bad die ïaki sha ki paidbah, kila ïoh ban pyni ïaki shaw im ba kila shna, ki cake bad kiwei kiwei ki jingbam bad kila ïoh ruh ban pyn apply scheduled Tribe online ïaki paidbah nalor kiwei kiwei. Haba ïoh ban ïakren bad kine ki samla, kila pynpaw ïaka jingsngewkmen ïaka jingplie lad ka sorkar lyngba ka Meghalaya State Skill Development Society bad kila ïathuh ruh ba hadien ka training kin sa sdang noh ban seng ïaki kam lajong.