Ka Kynhun Myntri hynne ka sngi ka la mynjur ban thied 35 akar jaka ha Tynring New Shillong Township, East Khasi na bynta ban shna ia ka Shillong District Jail thymmai, namar kaba don mynta ha Jail Road, Police Bazar ka la khapngiah palat. U Nongaiktien ka sorkar MDA, u Bah Wailadmiki Shylla ula iathuh ka dor ka long T.250 shi square phut kaba long T.2691 shi square meter, hynrei ka dor ba la pynbna da ka sorkar lyngba ka ophis treikam Deputy Commissioner ka long T.2900 shi square meter.
U Bah Wailad ula ong, ka jaka ba ka sorkar ka thied ha Tynring ka dei jong ki riew shimet bad ka dei ka kam ba ka tnat kam pohiing (Police) bad ia katei ka jaka la thied ha ki snem ba la dep. “Mynta ka sngi ka kynhun Myntri Sorkar ka la mynjur ban thied duh ia katei ka jaka ba 35 akar ha Tynring kaba don ha New Shillong Township ban pyniasoh ia ka Administrative City bad ka Knowledge City ban pynkynriah ia ka Shillong Central Jail ba don mynta ha Jail Road” la ong u Bah Wailad.
Halor ka jingkylli, Bah Wailad ula ong ba mynta ka jingiakren ka dang iaid shakhmat ban shimti ia ka jaka bad hadien ka tnat pohiing (Police) bad ka tnat Urban Affairs kin leh ia kaba donkam na bynta ban shna ia ka Shillong Central Jail thymmai.
You may also like
-
Iakynduh u Air Marshal bad ki nongthoh khubor
-
Hadien shisnem tam ba pynjari President RuleThaw sorkar ka BJP ha Manipur, u Yumnam Khemchand kum CM
-
Ka New Shillong Water Supply Scheme ka kynthup 32 ki shnong
-
Palat T. 35 Lak tuh ki runar na ka ATM ha Mylliem
-
Plie u Myntri sorkar ïa ka Sampoornata Abhiyan 2.0 : 5 tylli ki KPI yn peit ka Ri Bhoi