Plie u CM ia ka College ka banyngkong eh jongka Ramakrishna Mission ha NE

U Myntri Rangbah ka jylla u Conrad K Sangma hynne ka sngi ula plié ia ka Ramakrishna Mission College, Sohra, kaba dei ruh ka college kaba nyngkong eh jong ka Ramakrishna Mission ha ka thain shatei lammihngi ka ri. Ha kane ka jingplie ia kane ka college la iadonlang u MLA ka Shella u Bah Balajied Kupar Synrem, u MLA ka Sohra u Bah Gavin Miguel Mylliem, ki heh jongka Ramakrishna Mission kiba kynthup ia u Swami Achyuteshananda u Trustee jongka Ramakrishna Math & Mission, Belur Math, u Swami Anuragananda uba long u nongmihkhmat paidbah, ki nongialam shnong bad kiwei kiwei. Kane ka college kan sdang ai jinghikai ha ka Arts bad Science bad da ka jingthmu ban plié lad ia ki khynnah ban ioh ia ka jingpule ha ka dor kaba biang ha ki jingpule ha ki kyrdan kiba heh ia ki samla ka thain Sohra bad ia ki thain kiba don marjan. Haba kren ha ka jingialang u Conrad Sangma ula ong, ba ka sorkar jylla ka iengskhem ha ka jingkular ban pynkhlain ia ka pule puthi ryngkat bad ka pynpaw ba ka jingkynshew tyngka kaba khraw eh ha ka imlang sahlang kaba ka lah ban leh kadei ia ki briew bad ka jingtei ia ki surok ne ia kino kino ki jingtei kan long ka bym jingmut than lada kam dei satia kaba la kyntiew bha ia ki briew.

U Myntri Rangbah ula ba ka jylla ka bhah haduh 15% na ka mang tyngka jong u snem kaba kot ia ka T.3,600 Klur tang ha ka pule puthi bad sorkar mynta kala sdang ia ki kam ki jam ban pynbeit ryntih ia ki skul bad ban pynwandur ban kyrshan ia ki skul Ad-hoc bad nonghikai SSA, khnang ba yn lah ban wanrah ia ka jingiaid beit bad ka jingskhem ha ka rukom treikam. Ula kyntu ia ki nonghikai bad ia baroh kiba donbynta lang ha ka kam, ban buh hakhmat eh ia ki khynnah haba ki shim ia kano kano ka rai bad ula banjur ba ka lawei jong ka pule puthi ha Meghalaya kan shong eh ha ka jingshim ia ka jingkitkhlieh da baroh lang da kaba leh ia kaei kaei kaba bha tam na ka bynta ki khynnah. Nalor kane u Conrad Sangma ula pynthikna ruh ia ka Ramakrishna Mission ba ka sorkar kan ai ia ka jingkyrshan kaba pura bad pynbna ba ka sorkar kan sa pynbiang i aka bording elektrik ia baroh ki skul sorkar, shimet, deficit bad ad-hoc, da kaba iaid da ka mishon bad kan iaid ruh da ki wat ban shimkhia ia ka jingeh kaba mad da ki jaka pule ha kaban shna ia ki surok ban poi sha ki jaka pule.

Katba u Swami Achyuteshananda, ula pynpaw ba kane ka jingplie kadei ka histori ha ka thain shatei lammihngi jong ka ri bad ka Ramakrishna Mission college kaba nyngkong eh ha ka thain shatei lamingi kadei kaba la plié da u Myntri Rangbah u Conrad K Sangma. Ha kane ka sngi, ki khynnah pule kila pyni ia ka sap ka jongki ha ka jingleh ia ka Drill, Yoga, jingkilan met, ki jingleh tynrai kiba pyni ia ka jingdon ia ka jinglong ryntih, ka jingtreilang kum ka kynhun bad ka jingbit jingbiang ha ka met ka phad, ka jingpyninam ia ka kolshor bad la plié ruh ia u maw ban pynsah kynmaw ia kane ka jingplie ia ka College.