Sam ka NLRM 5 tylli ki kali sha CLF ka thaiñ Mawshynrut

Ka sorkar Meghalaya lyngba ka Meghalaya State Rural Livelihoods Society hapoh ka jingpyntrei kam lyngba ka NLRM ka la ïoh ban pyllait ïa ki kali ban ai sha ki CLF ba kin pyndonkam ha ka ban pyntyllun kham bha shuh shuh ïa ki kam ki jong ki haba ïadei bad ka kit ka bah ïa ki jingthung jingtep bad kiwei kiwei.Ha katei ka sngi haduh 5 tylli ki kali la ïoh ban ai sha ka ki Cluster Level Federation (CLF) kiba kynthup ïa ka Dwar Basan CLF, Rympei Baïar, Jingkieng Baskhem, bad kiwei kiwei kiba dei hapoh ka scheme Ajeevika Grameen Express Yojana (AGEY)La ong ba kane ka scheme kadei ka bai kheng ïa ki Clf pynban kam dei pat ka Grand bad kane ka dei ka jingthmu jong ka sorkar India ban ai sha ki CLF ba kin pyndonkam ha ki jaka kiba jynjar ban ïoh ïa kali.

Ïa kitei ki Kali la ïoh ban pyllait paidbah da u bah Methodius Dkhar myntri ka Food Civil Supplies & Consumer Affairs Department, kum u kongsan, ha ryngkat ka jingïadonlang u R.G.Momin MLA ka Rambrai Jyrngam Constituency kum u symbud kongsan bad la sakhilang ruh da u bah R.Kharkongor Block Development Officer ka Mawshynrut bah Shanlang F Lyngdoh COO Livelihood Promotion MSRLS bad kiwei kiwei.Haba kren kum u kongsan ha katei ka sngi, na ka liang u Bah Methodios Dkhar u la ong ba “Ka sorkar India bad ka sorkar Meghalaya ki

phai khmat bha sha ki CLF, ki SHG bad sha ki Society bapher bapher ba kin long kum ki shalyntem ban pyntyllun ïa ki kam pynroi ha ka jylla bad ha ka Ri India hi baroh kawei. U la pynpaw ruh ba ka jingïoh ïa kine ki kali kan long ka jingmyntoi kaba khraw khamtam haba phi lah ban pyndonkam ban kit jingkit na ki jaka kiba kham jynjar ban ïoh ki kali,bad kane ka dei hi ka jingtrei shitom jong ki SHG bad ki nongtrei jong ka Block.U la ban jur ruh ba ka jingïatreilang jong u paidbah ka long kaba donkam khnang ba ki scheme ne kino kino ki jingïarap kin poi hok sha ki ba hapoh duh ne ki grassroot level bad sha ki kyndong kynshrot jong ki shnong bapher bapher hapoh ka jylla khnang ba kita kiba donkam shisha ki jingïarap kin ïoh ïa ka jingmyntoi.