Ka kur Sawkmie ka la noh jingiarap sha ki kur kiba la mad ia ka jingpluh iing bad kiba la duh lut ia ki jingdon jingem baroh kaba ki don, na ka jingbamduh jong kane ka ding kaba la klang ha Mawlai Nonglum kaba la jia ha ka 22 tarik u Nohprah, 2025, ha ka por kumba 12:30 eiei mynsngi.
Hashuwa ban noh jingiarap la ioh ia ka jingkren na u President rangbah ka kur bah D. Sawkmie uba la pynpaw ia ka jingsngewlem bad ban ai mynsiem sha ka longiing jong ka kong Kyntiewriti Sawkmie bad ka kong Beautilin Sawkmie. La ioh ruh ia ka jingkren na ka liang u Bah PT Sawkmie, uba long u nongai buit ka kur uba la ai khublei ia baroh kiba la don bynta haba noh jingiarap sha kine ki ar tylli ki longiing kiba la mad ia kane ka jingjia basngewsih.
Kiwei kiba la ai jingkren ki long u secretary ka kur Sawkmie u bah Bansharai Sawkmie, u Tymmenbasan, bah Dimos Sawkmie, uba la duwai, u bah Joseph Sawkmie, Vice president, ba pyniaid ia ka jingialang bad na u bah Iohborlang Sawkmie, u EC member uba la ai khublei haba kut ka jingialang balyngkot.
You may also like
-
Shimkhia ka Sorkar Meghalaya-Assam halor ka jingïakynad ha Lapangap
-
Iaid iaid paidbah ka JSU, JNC ban pyrshah Public Hearing ka Shree Cement
-
Ha ka jingtohkit lap ksai ki pulit ba don ki briew ba shoh ia u Trophimos
-
Ai jingmut ka FKJGP ban khang 4 sngi, plie 3 sngi ia ka surok Shillong-Pynursla-Dawki
-
Rah ka Mawlai Presbyterian ha ka ïakob rwai tynrai bad u Reward ha ka iakob iathuh khana puriskam