Ka Airbnb Insights ka pyni kumno ba ki jingrwai bad ki jingtem jingput ki la saindur ia

Ki jingrwai jingtem ki la ong kiwei na ki bor ba khlain bha ban sain dur ia ka jingjied jong ki briew ban leit jingleit khamtam hapdeng ki nong India kiba dang samla ka rta. Katku, ka Experience-Led Travel Insights1 ba thymmai jong ka Airbnb ka pyni ba ka jingthmu jong ki Gen Z ban leit kai shane ka shatai ka long da kaba peit ia ki lympung iaput ia iatem bad ki tamasa, bad pynlong ia kine ki lympung kum ka khyrdop ban leit sha ki nongbah ba thymmai, bad pynjlan ia ka jingsah jong ki bad pynlut por ban leit sha ki jaka ba marjan bad sha palat jong ki lympung kiba paw.  Na ka bynta kane ka pateng bynriew, ka jingshim ia ka rai ban leit jingleit kam long shuh da kaba peit ia ka calendar hynrei khambun ha kaba iadei bad ka kolshor. Ki lympung tamasa bad kiei kiei ki jingjia kiba jia ki kham khring ia ki sha ka jaka ba kin leit, badno ki leit jingleit bad haduh katno ki pynngam ia ki jingmut jingpyrkhat jong ki bad ka jaka ba ki leit ki wan. 

Ha ka snem 2026, ka put ka tem kan don ka bynta kaba khrwa bha ban saindur ia ka rukom leit jingleit, ha kaba 62% na ki Gen Z ki plan ia ka jingleit jong ki katkum ki lympung ka put ka tem bad ki tamasa ka rwai ka siaw. Ia kane ka jingthmu la sakhi ha ka rukom long ka jong ki: iwei na ki lai (36%) ki sdang ia ka jingthmu jong ki ban leh ia ka leit jingleit jong ki mar sien iohsngew ba ki don ki lympung.  Ym kumba long ki rukom leit jingleit kiba ju leh baroh shi katto kaba pynshong nongrim katkum ka aiom, ka jingioh shuti ne ka jingioh shuti kut taiew kaba jrong, ki nongleit nongwan kiba dang samla ki buh ha khmat ia kaei kaba kin mad. Ka jingioh mynsiem jong ki ka kynthup ia ka lad ban leit sha ki jaka kiba thymmai bad ka jingsngewtynnad ka long kum shi bynta jong kaei kaei kaba kin mad shisien ha ka jingim. Ka jingkdew kaba shai ba kumno ka jingrwai kadei kaei kaei kaba ha pdeng jong ka jingleit jingwan jong ki nong India kiba dang samla; kumno ba ki sngew kwah ban leit sha kiwei ki jaka ne sha shiliang duriaw ban peit ia ki nongrwai ba ki sngewtynnad da maki ba kin rwai bad lah ban iohi da la ki jong ki khmast. Palat 40% ki sngew kwah ban leit wat sha bar ri tang ban leit peit ia ki tamasa, ha kaba ka jaka leit jong ki sha kylleng ki jaka ha USA (48%), Europe (45%) bad sha kiwei kiwie ki ri ha Dewbah Asia (46%) kidei kiei kiei kiba ki sngewkwah ban leit.