Bitar ka DS Golflink ba bret khyndew bad jaboh pathar ki briew

Ka Dorbar shnong Golflink ka la pynpaw ka jingsngew bitar ia ka jingbret khyndew bad bret jaboh pathar ki briew harud surok jong kane ka shnong.Haba kren sha ki lad pathai khubor u Rangbah Shnong ka Golflink u bah Micheal Hek, ula ong ba katba ka shnong ha kine ki khyndiat sngi, ka dang buddien ia ka Shillong Golf Club ba kadei ban pynkhuid ia ki sawdong sawkun ha shwa ba kan ker. Hynrei phewse, don napdeng ki briew kiba la shim kabu bad leh khlemakor da kaba wan bret jaboh bad bret khyndew kumba ar trok lai trok harud surok kane ka shnong. Ban telakam ia kane ka jingleh khlemakor jong ki riew shim kabu, u Rangbah shnong ula ong ba na ka liang ka shnong kan shim da ka sienjam ba tyngeh bad ka la maham ba lada lap ia kino ki briew kiba bret ne theh jabob, yn dain kuna ia ki haduh 1 lak tyngka.

“Ngin dain kuna beit T. lak bad ka kyndon shnong ruh kin ai da kaba eh ha kaba ngin knieh syndon ia ki kali,” ong u Rangbah shnong.Ula ong ba ka jingjaboh ka shnong Golflink mynta ka la long shaba palat ha kaba la i sdang long kum ka Marten bad ki briew ki la sdang ban wan bret khyndew lynter naduh ka lad Merins haduh ka lad Maroh ka dap da ka jingjaboh suda.“Katba ngi dang ia beh dien ia u Shillong Club ban pynkhuid hashwa ba kin ker, mynta pat sa u paidbah jong ngi, ula iatheh kylleng ki jaka ia ki khyndew ha ki lynti synkhein,”ula ong.Na ka liang ka shnong ka la maham tyngeh bad lada ka lap ia ki briew kiba bret ia ki khyndew, kan nym dain tang ka kuna hynrei kin ai da kaba tyngeh haduh ba kin da sngewthuh ha shwa ba kin pynjaboh.

Ha kajuh ka por, ula pynpaw ka jingsngewkhia namar u paidbah um don ka jingpyrkhat, wat na kali ruh ki kawang da ki plastic chip, ki niut na iing ruh ki wan bret pathar.“Ka jingwan bret jaboh ki briew ka jur bha ha ki jaka don ki dieng ki kseh kiba ai ka jingtngen ia ka mariang katba ki briew pat ki shim kabu ban wan bret jaboh pynban ha katei ka jaka,”la ong u bah Micheal. Ula ong ba ka jingtlot ka ain ban pynshitom ia kiba bret jaboh, ka la pynshlur ia ki briew ban wan bret jaboh.