Kala jia ka jingjia kaba sngewsih ha kaba kawei ka ïing kaba don ha Mawlai Mawkynroh-Umshing Block 3B, ba sah da ka Kong Pynhunlang Wanniang kala pluh bad julor lut ki jingdon jingem baroh, ha ka 6 tarik u Kyllalyngkot, 2026 ha ka por 8:30 mynmiet.
Haba ia dei bad kane ka jingjia, u MLA barim Bah PT Sawkmie hadien ba ula ioh jingtip ula leit sha kane ka jaka ba jia bad khmih da la ki jong ki khmat bad ban noh jingiarap da ka song pisa sha kane ka longïing kaba la mad ia kane ka jingsngewsih kthang. La iathuh ba ka Kong Pynhun ka don lai ngut ki khun kiba dang 8, 5 bad 3 snem ka rta eiei bad ka im da kaba shu bylla kynta ha ïing ki briew.
Haba pynpaw ia ka jingsngewlem u Bah PT Sawkmie u la pynpaw ba kum kine ki jingjia kim dei ki ‘Plan’ ne jingthmu U Blei, hynrei dei ki kam u Soitan uba pynjot.Kumta kum ki briew ba mad ia kum kine ki jingjia ba sngewsih ngi hap ban duwai bad ban jan sha U Blei. Ha kane ka jingleit noh jingiarap la ia don lang u Secretary Shnong Mawkynroh Umshing u Bah L. Diengdoh, Rangbah Dong Block 3B bah D. Marwein, bad ka hynmen ka Kong Pynhunlang ka Kong Rishalin Wanniang, kiba la ai jingkren bad ai khublei ia baroh kiba don bynta ban iarap ha kane ka jingjia.
You may also like
-
Iakynduh u Air Marshal bad ki nongthoh khubor
-
Hadien shisnem tam ba pynjari President RuleThaw sorkar ka BJP ha Manipur, u Yumnam Khemchand kum CM
-
Ka New Shillong Water Supply Scheme ka kynthup 32 ki shnong
-
Palat T. 35 Lak tuh ki runar na ka ATM ha Mylliem
-
Plie u Myntri sorkar ïa ka Sampoornata Abhiyan 2.0 : 5 tylli ki KPI yn peit ka Ri Bhoi