Hynne ka sngi ha ka jingwan plie u myntri ka tnat ka koit ka khiah u Wailadmiki Shylla ia ka Health ATM machine ha Jowai Civil Hospital Ialong, la kylli halor bad ka nursing college ba la mang ban shna ha Rilum Jaiñtia kumba la pynbna da u myntri ryngbah ka sorkar Jylla u Conrad Sangma ha ka jingrakhe ia ka lyngkhuh dap 53 snem ka Jylla Meghalaya kaba la long ha Jowai ha ka 21/01/2025, u Wailadmiki Shylla u iathuh kaba nyngkong ka jingshem shitom na ka bynta ka Nursing College dei ka jaka namar donkam ban ioh ei ka jaka bad ka jingeh haduh kumba 4-5 acre tam bad ba ka dei ban jngai na ki jaka ai jingsumar.
U iathuh ba hadien ka jingpeit bniah ia ka jaka ha Mukhla na ka liang ka shnong ruh ka la don ka jingkwah jong ka ba ka la pynkhreh ia ka soskular (agreement). Hadien kane u ong la don ka jingiakren bun sien bad khatduh ki la shong ha u Nohprtah 2025 ha kaba la don ki rai na baroh arliang hapdeng ka shnong bad ka Sorkar. Kumba long mynta u iathuh ba kane ka soskular ka dang don hapoh ka tnad Law na bynta ban pynwandur.
Halor ka jingkylli ia ka por ban sdang ka jingpyntrei ia kane ka College, u Wailadmiki u iathuh ba la ialeh ban pynstet ia ka kam namar ma u ruh ula angnud ia kane naduh ka por ba u long MLA bad u khmih lynti ruh ba ka jingpyntrei kan sdang hapoh une u snem.
You may also like
-
Ïakynduh ki Nongthoh Khubor na Karnataka bad ki MDC halor ka rukom synshar ki ADC
-
Pynjari kyndon 163 ki bor pynïaid District ka EJH, ym shah ban ïalum palat 5 ngut
-
Iam ki paidbah ba thmu kynriah ia u Dr. Khongwir na Kynshi PHC
-
Pynduh noh ia ka mynsiem bishni haba kiew kiwei, kyntu u Dy CM
-
Ka MoMSME kan iarap ban shalan mar shabar bad ki iew ha pyrthei
