Ka samla Ibankerbha Mawlong ka la iohrah ia ka nam Miss Mawlai Pageant 2026 ha ka jingiakob thei bhabriew ba la pyniaid da ka Seng Samla Mawlai Pyllun (SSMP) ha Madan Heh Stadium, Mawlai Phudmuri ha ka miet sngi Thohdieng ka 23 tarik u Kyllalyngkot, 2026.Katba ia ka nam baar (1st Runner-up) la iohrah da ka samla Rochelle Warica Bamon bad balai (2nd Runner-up) da ka samla Daphishisha Mawlong.Ha ka jingiakob jong ka Mr Mawlai Pageant 2026 pat la iohrah da u samla Andrew Bareh Rani, baar (1st Runner-up) la iohrah da u samla Derex Warlarpih bad balai (2nd Runner-up) da u samla Felix Kharthangmaw.
Ka Seng Samla Mawlai Pyllun (SSMP) ka la pynlong ia kane ka jingiakob kum shi bynta jong ka jingrakhe dap arphew snem ka SSMP.Kiwei kiba la ioh khur khusnam kyrpang (Special Awards) ki long, ha ka Best Fusion Traditional Dress (Girls) la jop da ka samla Rochelle Warica Bamon, ha ka Best Fusion Traditional Dress (Boys) da u samla Damewanki Khyriem, ka nam Miss Catwalk ka la leit sha ka samla Daphishisha Mawlong, Mr. Catwalk sha u samla Micheal Davin Shabong, Miss Personality la iohrah da ka Kerlarity Kharkongor bad Best Personality (Boys) da u samla Derex Warlarpih.
Kum shi bynta jong ka jingrakhe ia kane ka jingdap arphew snem ka SSMP ka la pynlong ruh bun kiwei ki prokram, kum ka Football, ka Basketball, ka Marathon bad kiwei kiwei.Ki la pynhap pyrda ia kane ka jingrakhe jong ki da ka jingiphuh iphieng ha ka 23 tarik u Kyllalyngkot, 2026.Kane ka long katkum ka kyrwoh ba la phah da u samla Edwigh Eddie Majaw, General Secretary ka Seng Samla Mawlai Pyllun.
You may also like
-
Shimkhia ka Sorkar Meghalaya-Assam halor ka jingïakynad ha Lapangap
-
Iaid iaid paidbah ka JSU, JNC ban pyrshah Public Hearing ka Shree Cement
-
Ha ka jingtohkit lap ksai ki pulit ba don ki briew ba shoh ia u Trophimos
-
Ai jingmut ka FKJGP ban khang 4 sngi, plie 3 sngi ia ka surok Shillong-Pynursla-Dawki
-
Rah ka Mawlai Presbyterian ha ka ïakob rwai tynrai bad u Reward ha ka iakob iathuh khana puriskam