Ka New Shillong Water Supply Scheme ka kynthup 32 ki shnong

U Myntri ka tnat PHE ka Sorkar Jylla u Marcuise N Marak ula pyntip ki kam ki iaid beit halor ka jingpyntrei ia ka New Shillong Water Supply.

Ha ka 3 tarik Rymphang u Myntri ula hiar da lade ban jurip ia ka jingpyntrei ka project New Shillong Water Supply Scheme ha kaba ula pynpaw ka jingsngew nguh ba ki kontraktor ki shimkhia ban pyndep ia ka project ha ka por ba la buh.

Haba kren sha ki lad pathai khubor u Myntri u la pyntip ba ki kam haba iadei bad ka Civil Work ki la dep ym duna ia ka 30 Percent bad ka jingmang bad thied ia ki tiar kum ki Pipe, ki Pump bad kiwei ki Mashin ka la kot ym duna 90 Percent.

U Myntri ula iathuh ki daw ba kane ka Project sam um ha New Shillong Township ka slem ka dei namar ka jingeh ban ioh jaka. “Ki Ophisar ka tnat PHE ki la shimkhia ban ioh jaka bad ka shim por haduh shi snem ban ioh jaka ban shna ia ka Dam (Jaka Pyllang Um) na ka bynta kane ka Project” u la ong.

U bynrap ka Project sam um ia ki paidbah ka New Shillong Township ka kynthup 32 tylli ki shnong ha ka thain.

Ula iathuh ia ka um na bynta ka New Shillong Water Supply yn tan na Wah Umkhen namar ka dei ka wah ba biang ban sam um sha baroh ki longiing ka New Shillong Township nalor 32 tylli ki shnong ba marjan.

“Ka Project New Shillong Water Supply kan pynmih 15 Million Liters ka um man ka sngi bad kane ka la biang bha ban sam sha ki longiing bad ki shnong ba marjan hynrei ngi la buh ka thong ba kane ka Project ka dei ban pynmih 50 MLD ka um man ka sngi” la ong u Myntri.