U Samla Kitkupar Nongsiej um lah khlem da jaw ummat katba u dang ai jingkren haba u ïohi ïaki paidbah kiba la wan ban aikhublei kitbok ïa u shwa ba un mih na Kynshi ban leit sha ka ri America ban ïashim bynta haka 28th Annual World Championship of Performing Art ka ban sa long ha Las Vegas naduh ka 13 haduh ka 21 tarik u Naitung 2026.
U Samla Kitkupar Nongsiej u ba shong basah ha ka shnong Kynshi Bangla jong ka Eastern West Khasi Hills District, u dei u samla uba la pawbha bad kiewshaphrang haka kam rwai kam siaw bad u dei u dkhot jong ka kynhun rwai Shillong Chamber Choir bad Aroha. U la sdang ban rwai naduh mynba u dang don 6 snem ka rta bad u la leit ban ïashim bynta haki jingïakob rwai naduh ba u dang don 9 snem bad haduh mynta ula jop palat 20 tylli ki jingiakop rwai ha kylleng ka jylla bad wat shabar jong ka jylla ruh. U dei ruh u lahduh haka jingïakop rwai jong ka Chery Blossom Festival 2021, ka Sur Kynud Season3 2025, ka Bharat Ki Khoj nalor kiwei kiwei.
Ha kane ka prokram ai khublei kitbok bala pynlong da u sordar ka shnong Kynshi Mawria u bah Jamesbond Dkhar, ki paidbah nalor ka jingaikhublei kitbok kila noh synñiang ruh daka pisa kum ka jingkyrshan ïa u samla Kitkupar Nongsiej haba un leit ïashim bynta ha katei ka jingïakop rwai kaba heh haka pyrthei.
U Kpa jong u samla Kitkupar Nongsiej, u bah Aibanrikupar Syiemlieh ula pynpaw ïaka jingaikhublei ïa baroh kiba la ïasnohktilang, kiba la ai mynsiem bad kiba la ïarap haka jingleit ïashimbynta u Kitkupar Nongsiej sha ka 28th Annual World Championship of Performing Art, kynthup ïa u chief Minister ka sorkar jylla, u Conrad K Sangma u ba la ïarap ïaka jinglut jingsep jong u Kitkupar Nongsiej ban leit sha America.
You may also like
-
Lada ka sorkar ka kwah ïakren ïa ki mat sahteng, kren hakhmat ki Camera : KJDSTA
-
Lieh ka sor Shillong bad jur ka dheng kali na ka jinghap phria
-
Sdang ka KJDSTA ia ka jingiakhih da kaba sangeh hikai kaba khlem buh por
-
Pyrshang kerkut ki Dkhot ka JAC ia u Bah Sanbor
-
Ïa shim bynta ki MLA Meghalaya ha ka jingïalang ha London
