Ka Synjuk ki Nongialam Shnong Mawrong Road Ri-Bhoi District ka la dawa na u Symbud Myntri Rangbah ka Jylla u Bah Prestone Tynsong ban kyntiew kyrdan ia ka Mawrong Sub-Centre sha ka Public Health Centre. Ia ka Synjuk ki Nongialam Shnong Mawrong Road Ri-bhoi District la ialam da u MLA ka Mawhati u Bah Charles Marngar bad ula iathuh ba ka Synjuk ka long kaba la kloi ban synniang ei ka jaka ban kyntiew kyrdan ia ka Mawrong Sub-Centre sha ka Public Health Centre.
Haba kren sha ki lad pathai khubor u Bah Charles Marngar ula ong, ba ka Mawrong Sub-Centre ka ai jingshakri ia kumba 13 tylli ki shnong bad ka Umshning CHC ka jngai kumba 17 km na Mawrong. “Ka jingjngai ka shnong Mawrong na ka Umshning CHC ka buh jingeh ia ki paidbah khamtam ia ki longkmie ba armet ban ioh ki lad jingsumar namar kata la donkam ban kyntiew kyrdan ia ka Mawrong Sub-Centre shaka PHC” u la ong.
U MLA ka Mawhati ula iathuh na ka liang u Symbud Myntri Rangbah ula kular ban shimkhia ia kane ka kam na ka bynta ka bha ka miat ki paidbah nongshnong ka thain Mawrong.
You may also like
-
Nga la iakynduh bad iakren ia ki MLA, kim shym pynpaw ban leit rung BJP: Metbah
-
T.186 klur siew tulop ka sorkar ia ki nonghikai Kolej shimet
-
Ka Rope Way kam wanrah jingma ne pom dieng pathar ha Lum Shyllong: Paul
-
Ym pat siew bai lutksan ban shna surok Six Lane na Jorabat-Umiam bad High-Speed Corridor na Umiam sha Silchar: Prestone
-
Ai u Myntri Rangbah T.5 lak ban pynbha u mot Subhas Chandra Bose bad Swami Vivekananda