Ïakynduh ka SSMP ïa u heh PHE halor ka jingsam um iing ha Mawlai

Ka Seng Samla Mawlai Pyllun (SSMP) hynne ka sngi ka la eit iakynduh biang ia u Additional CE ka PHE Dept. u Bah B L Lawai ban buddien ia ka shithi kaba ki la jubab naka liang ka Department kaba la leit ban dawa naduh u bnai Iaiong 2025 ha kaba iadei bad ka jingsam um iing (House Connection) kaba ju sam tang 2 sien ha ka shi taiew hapoh Mawlai. Ia kane ka kynhun la ialam da u President ka SSMP u bah Samuel Biam bad u u General Secretary u Bah Eddy Mawjaw. Ka Seng SSMP ka la pynpaw ba kam hun iaka jubab ia ka shithi kaba ki la phah sha ka Seng na ka bynta ka jingmyntoi ki nong Mawlai, kumta ka la leit ban kyntu ia ki ba kin pynurlong iaka jing angnud, ki mat kiba ka Seng ka buh ha khmat ia ka jingbym hun iaka jubab.

Ki mat ba la buh ka long ba (1) ka PHE ( GSWSS) kan buh iaka sngi ban leit ia ka side inspection ban thep ia kita ki pipe thymmai na ka bynta ka Mawlai katkum ka jingbun paid ki nongshong shnong bad jingheh palat ka shnong Mawlai (2).Ka Seng ka kyntu ruh ia ka PHE ba kan ai um iaka Mawlai (Um iing) 6 sien shi taiew namar kumba long haduh mynta ioh um tang 2 sien shi taiew, katba ki shnong kiba dei shabar ka Mawlai ki ioh um 2 sien shi sngi kata ruh baroh shi taiew.

Ka Seng ka dawa ba ka Mawlai kan ioh thik marwei u pipeline ban pynbiang um iaka Mawlai. Ka seng ka kyntu iaka Dept ban pynbiang iaka jingpoi bun ka Um khnang ban lah ia kaba ban ai Connection thymmai ia bun bah ki longIing kiba la apply la slem bah bad ka rukom sam um kaba long ryntih ia baroh khlem da niew shiliang iano iano. Na ka liang ka U Add CE bad ki officers, Executive Engineer GSWSS, SDO ki la kular ban shimkhia iaka jingdonkam ki Nong Mawlai bad naka liang ka Seng ka khmih lynti ban urlong noh shen. Ka Seng ka kyrmen skhem ba ki nong Mawlai kiba donkam um man ka sngi kin kyrshan lang iakane ka mat kaba kongsan na bynta jong ki.