U MLA ka BJP na Pynthorumkhrah u Bah Alexander Laloo Hek hynne ka sngi, ula leit iakynduh ia u National Working President ka BJP u Nitin Navin ban iakren halor ka lynti iaid jong ka seng BJP hapoh jylla Meghalaya.
Ha kane ka jingialang, kila iakren bad pynleit jingmut ha kaban pyniar ia ka seng bad ban pynkhlain ha ki shnong ki thaw lyngba ki kam pynroi ki bapher bapher bad halor kiwei kiwei ki mat.
U Nitin Navin uba la shimti dang shen kum u National Working President ka BJP, ula kubur ia ka rukom treikam jong ka BJP Meghalaya ha kine ki snem kiba la dep khamtam haba kala pynjur ia ka jingkyntu bad jingkyrpad ia ki paitbah ka jylla bad u don ka jingkyrmen kaba skhem ba ha ka elekshon MLA 2028 ha ka jylla Meghalaya, ka BJP kan jop palat ia ka 10 ngut ki Kyrtong kumba la pynpaw da u President ka BJP Meghalaya u Rikman G Momin ha ka jingiakren kaba dang shen bad ki nongthoh khubor.
Lah ban ong, ha ka iingdorbar ka jylla kaba don 60 ngut ki MLA, ka BJP ka don tang 2 ngut ki MLA kiba kynthup ia u Myntri Sorkar barim ka jylla u Bah AL Hek bad u Myntri Sorkar u Bah Sanbor Shullai uba dei ruh u MLA ka South Shillong.
You may also like
-
Plie u Conrad ia ka kamra ba 50 thymmai ba jingthiah ha DMCH Tura.
-
Husiar paidbah wat ngeit ia ki ‘Social Media’ peit ia ki kam, ong u Bah Prestone
-
U Tirot Sing ula shimti ia ka khet Syiem Hima Nongkhlaw naduh dang 10 snem
-
Pyntian smai u Sadon Blah ia ki nongkitkam ka HYNF Northern Region, u Robinson kum u President bathymmai
-
Pynpra ki longkmie ki jingker bad tala ba khang lynti ki briew na Assam ha Maikhuli