Ki Pulit ka jylla hynne ka sngi ki la ialam ia ki 6 ngut ki nonglute kiba shah kem halor ka jingdonkti ban lute pisa na lai tylli ki ATM, kawei ha Mylliem, Mawkriah bad ha Smit.
Kine ki 6 ngut kiba la shah kem, ki kynthup u Salim na Dorakhi, Mewat na Haryana, u Rahul na Bazidpur, Nuh District, u John Fishal Lyngkhoi na Umpling, Joyous Dura na Mawlai Nongkwar, u Rejaul Korim bad u Lius Ali na Assam.
Ia kine ki 6 ngut, ki pulit hynne ka sngi ki la ialam sha ATM ha Mylliem, Mawkriah bad sha Smit ba kin batai bad pyni kumno ki ia lute ia ka pisa na ki kor ATM.
Kine ki 6 ngut, ki la lute pisa na ki lai tylli ki kor ATM kaba la kot kumba T.1 klur. Na ka kor ATM ha Mawkriah, ki la lute T.2,12,025 ha 21 tarik Jymmang 2025, na ka kor ATM ha Smit ki lute T.28,13,100 ha ka 30 tarik Nohprah 2025 bad na Mylliem ki lute T. 35, 57,000 ha ka 8 tarik Rymphang 2026.
Kane ka jingialam ia ki sha ki jaka ba ki lute na kitei ki ATM, ka long shibynta jong ka jingtohkit ban pynskhem ia ki sakhi satar shwa ban tian ha ka Kashari.
You may also like
-
Ioh lum kuna ki pulit palat T.80 hajar na ki nongniah kali beaiñ
-
Donkam ka jingiatreilang na baroh ki kynhun ban pynduh jait ia u drok, ongu Conrad
-
Lyngba ka RTI, lap ka JNC palat T.400 klur ba ai jingiarap ka MEPRF ia kiba shah tih dewiong
-
Thaw ka BJP ia ka Mandal ha Mawlai, ki paidbah ki kwah skhim pynroi
-
Ym don jingthmu ban weng ia ka Open Tender: Sanbor