Ka long ka jingkmen bad sarong ia ka Jylla ba u Bah Hally War ula shah jied ban ioh khusnam Padma Shri Award 2026 halor ka jingtrei ban pynneh ia ka jingkieng diengjri. U Bah Hally u dei napdeng ki 131 ngut ki ban ioh khusnam hapoh ka ri India. U Bah War 67 snem ka rta u dei na ka Shnong Siej, East Khasi Hills, ula ioh ka jingithuh halor ka jingtrei borbah ban pynneh ia ka jingkieng diengjri, kaba long ka nuksa ba phylla ban iada ia ka mariang kaba la tip kum ka Bio-Engineered Heritage.
Ula trei borbah ka jingim ban thain ia ki jingkiengjri kaba dei ka jingleh tynrai ha ka thaiñ.Ka Sorkar Pdeng ka la mynjur ia 131 ngut ban ai khusnam Padma Awards mynta u snem kynthup 5 ngut ka Padma Vibhushan, 13 ngut ka Padma Bhushan bad 113 ka khusnam Padma Shri.Ki don 10 ngut ki riew shimet na ki jylla ka thain shatei lammihngi ba la jied ban ioh khusnam Padma Shri kynthup ia ki 2 ngut ba la khlad noh.
Ka khusnam Padma Award ha ka ri ka dei ka khusnam ba heh tam bad la sam ha ki 3 tylli bynta, ka Padma Vibhushan, ka Padma Bhushan bad ka Padma Shri. Ia kitei ki khusnam yn sam da ka President ka ri India ha ka jingialang ha Rashtrapati Bhawan ha u bnai Lber ne Ïaiong man la ka snem.
You may also like
-
Rakhe ka WKH ia jingdap 50 snem ka jingiaid lynti bad ka pateng ban wan Nongstoin
-
Ka jingwan pyniasoh ki MLA kan nang pynkhlain ia ka Party ha ka ielekshom MP”
-
Ka tamasa bam ‘Niangphlang Hima Lyngiong sha ka Mawpuri Festival ban ai nam i’u maw pawdur puri
-
Ka jingiakop mareh kulai ka dustur tynrai ha shnong Mynni Mawbri
-
Ka Party ba synshar ha KHADC kam shym treikam kumba kular ia ki paidbah:Sñiawbhalang