Ki pulit ka Shillong Traffic Police ha ka miet sngi Thohdieng ki la pynlong ka “Operation Safer Shillong” ban tehlakam ia ki nongniah kali ba pynkhein ain. Ha ka jingkhynra ki pulit ki la ioh bat 80 ngut kiba pynkhein ain bad ki ioh lum kuna palat T.81,500 na ki nongiah kali bad thuk thuk.
U SP ka East Khasi Hills u Bah Vivek Syiem ula ong, ka jingkhynra ka dei da ka jingthmu ban pynduna ia ki jingjia aksiden ha ki surok bad ia kane ka ‘Operation Safer Shillong’ la pynlong da ka Shillong Traffic Police bad ka Special Operation Team (SOT) ryngkat ka jingkyrshan na ki dkhot ka Dorbar Shnong Laitumkhrah ha kaba ki pulit ki la leit ban ap ha kylleng ki jaka ka nongbah Shillong.
Ula ong, ki pulit ki kham pynleit jingmut ia ki nongniah kali ba la shongshit khawiang ka jingshna ne modify be-aiñ ia ki kali kaba pynkhein ia ki kyndon niah kali ha kaba ki la lap ba don 80 ngut kiba pynkhein ia ki kyndon bad dain kuna haduh T.81,500.
U SP ka East Khasi Hills ula pyntip ki la bat noh ia u nongniah ba shoh khawiang bad ym shah shuh ban niah kali hynrei la pyllait hadien ba la wan ki briew ban kitkhlieh ban ialam sha iing.
U la ong, ba kane ka jingkhynra ha ki sngi ba kut jong ka taiew kan iai bteng man la ka por hapoh ka Operation Safer Shillong, da ka jingthmu ba ki nongniah kali kin don jingkitkhlieh bad kim dei ban niah kali hapdeng jingbuaid katkum ki kyndon na bynta ka jingshngain ki nongleit nongwan
U bynrap ka STP kan iakhun ban pynlong ia ka nongbah Shillong kaba lait na ki jingjia aksiden ba sngewsih.
You may also like
-
Lada ïai ïuhroit ïa ki longkmie pyrshah Ropeway, ym banse ban mih surok: Ardent
-
Sa ha Jowai ïakhih ki nonghikai Deficit
-
Shuwa ban sdang proseshon jurip u MLA ïa ka surok ha Maweit
-
Sdang ka tamasa ka thoh ka tar balai sngi ha Nan Polok
-
Ïakhih ki driver bos pyrshah ïa ka sorkar halor ka jaka ïeng kali ha Ïew Mawlong
