U MP ka Rajya Sabha u Dr WR Kharlukhi u la ong ba ka kam wanrah lynti Rel ha ka jingshisha ka la kut naduh ba ka Sorkar Jylla ka la pynphai ia ka T.200 klur ba la mang da ka Sorkar Pdeng ban thied jaka na ka bynta ban shna lynti rel ha Jylla.Haba kren sha ki lad pathai khubor u Dr Kharlukhi ula ong, “Ka Sorkar Jylla ka la pynphai ia ka pisa kumta ka mat ka la kut noh hangne”.
U Dr Kharlukhi ula ong ka dei sa ka kamram jong ka Sorkar ban iathir lyngba ka All Party Committee ban shong bishar ia ka kam pyniasoh lynti rel ha ri-lum Khasi bad Jaintia. “Mynta ka (Sorkar) la pynphai ia ka pisa nangno pat ki ioh biang ia ka pisa?” u la ong. Kat kum ka jingong jong u, kane ka jingialang ka All Party Committee lehse ka lah ban dei na ka bynta ka jingwanrah ia ka project lynti rel hadien habud.
Halor ka rai jong ka VPP ban nym iashim bynta ha ka All Party Committee ban iakren lynti rel, u Dr Kharlukhi ula ong “Kaei kaba ka Sorkar ka donkam ka dei ia ka Liang Pyrshah kaba tei. Ngam tip satia ba da ka jingbym iadonlang ha kane ka Committee kan dei kaba tei ne ka ban pynjot”.
You may also like
-
Ka Sorkar ba ialam ka NPP kam ju pyndonkam bakla ka bor pyrshah ia ki paidbah
-
T.400 klur na bynta ban pyntrei ia 53 tylli ki project ha Garo Hills
-
Ka MSFC kan pynthikna ban ym don uwei ruh ban iap thngan: DP Walang
-
Sdang ka DREAM na Shillong ban lum jingkhein ia ka jingdon nongdih drok
-
Shimkhia ka Sorkar Meghalaya-Assam halor ka jingïakynad ha Lapangap