Ka jingther u lapbah bad u phria ryngkat ka lyer ba jur hynnin ka sngi ka sngi 14/04/25 hapoh Laskeiñ C&RD Block, West Jaiñtia Hills District ka la wanrah ka jingjulor ia kiba bun ki longïing kumjuh ki jingthung jingtep.
Ha kane ka jingsyllad eriong bad ther phria la sakhi ba ki tnum ïing ki la shah lied bad pei thliew ba shah ksam ha u phria, haduh ba ki tiar ki tar ba don hapoh ïing ki la pra, nangta ki lum ki madan ki la lieh shar kum u thah lut bad ki jingthung jingtep ki la shah lynshop la jhor.
Ki shnong ba shah ktah kynthup ha kane ka jingjia syllad eriong ryngkat u slap bad phria ki long ka Ïongkynshur, Maitdeiñ, Bhaiñ, Thadsning, Lummuriap, Thadbamon, Musiaw, Umsalang, Latymphu, Mobandu, Barato bad kiwei, baroh ki shnong dei kiba hap hapoh ka Laskeiñ C&RD Block, West Jaiñtia Hills District.
You may also like
-
Sei soh ka jingïalang ka sorkar Meghalaya-Assam bad ka seng ki nongñiah tourist
-
T.8 klur shongdor kawei ka lieng kit briew ha Kerala
-
Ong u Bah PT Sawkmie ba u long MLA, MDC bad Minister dei na ki nonghikai
-
Ki Nonghikai ki long ki atiar ba khlaiñ ban saindur ia ka jingim ki khynnah skul: Dr C Lyngdoh
-
Ka VPP ka iuh roit ia ki bor synshar tynrai lyngba ka Land Ceiling Act: Dr OS Jyrwa