U General Secretary ka United Democratic Party (UDP) u Bah Titosstarwell Chyne ula pynksan ba kam don satia kano kano ka jingdawa ban jied thymmai ia u President ka UDP.
Ia kane u Bah Titos ula kren hadien ba wai ka jingialang Central Executive Committee (CEC) jong ka UDP ha kaba la sakhi ba tang 6 ngut naki 12 ngut ki MLA kiba poi shaka jingialang.
Haba kren shaki lad pathai khubor u Bah Titos ula ong ba haka jingialang ki MLA kiba wsn shaka jingialang CEC kila pynpaw ba kim don eiei ka jingpyrshah iaka jingialam u Bah Metbah Lyngdoh kum u President ka UDP.
“Hoid ngi la iakren halor kane ka mat, ki (MLA) kila pynshai ba kim don daw ia u President jong ka Party” la ong u Bah Titos.
U Bah Titos ula ong ba ki MLA kiba wan shaka jingialang ki pyni ka durkhmat kaba kmen, ki ia khublei kti bad ki ai jingkren ruh haka jingialang. “Namar kata ngim lah ban ong ba kim don bynta shuh bad ngi (UDP). Hoid lada kim wan shaka jingialang ngi lah ban ong da kumwei” ula ong.
U General Secretary ka UDP ula ong ba kam ju don ka rukom haka Party ban kylliang President katba mih ki jingdawa namar iaka jingjied President thymmai la leh haka jingialang jong ka General Council.
“Kadei ka rukom jong ka UDP ba haka jingialang jong ka General Council ngi rai la donkam ne em ban bujli President, ne iaka Party yn ialam biang da u juh u President” ula ong.
You may also like
-
Ka bym pat ju jia hapoh 40 sngi ka UDP na ki 12 ngut sa tang uwei u MLA: Bah Paul
-
Ha ka sien nyngkong pynlong jingialang ka Joint Parliamentary Committee halor ka FCRA Bill ha Shillong
-
Hab sah iing wai ki nongtrei ka Hospital Mynnar Jirang, mad jingeh ki nongpang
-
Pynkup burom u MLA ia ki riew rangbah, ki samla pule bad nongialehkai
-
Bteng ka Assam ban klun jaka ha Meghalaya