Ha ka jingpeitngor ia ki kam sniew hapoh sor Nongstoin, hynne ka sngi ka 21 tarik u ïaiong 2025, hadien ba la ioh ia ki jingtip kiba thikna, ki bor pulit ka Nongstoin ki la ioh ban kem ïa uwei u briew ba la suba ba u donkti ha ka kam die drok ha Ïew Nongstoin. Ki pulit ki la ithuh ba ïa une u briew la tip kyrteng kum u Bah Dibostar Hoojon, uba dei u nongshong shnong ba pura na Umyiap, Langpih bad uba sah mynta ha kawei ka iing kaba don ha Ïew Nongstoin. La suba ba utei u briew u la donkti ha ka jingdie ïa u drok bad u ganja.
Ka kynhun ki pulit ka Nongstoin Police Station ryngkat ka Anti-Narcotics Task Force (ANTF) ka la pynlong ka jingtohkit bad leit khynra ruh ia ka ing sah jong utei u briew bad ha kane ka jingkhynra, ki la ioh ban kurup haduh 574 gram ka Ganja, bad kane ka jia ha ka jingsakhi lang ki sakhi ba laitluid.
Ki pulit ki ka rejistar ruh ia ka mokotduma hapoh ka NDPS Act ha Nongstoin Police Station bad ka jingtohkit ka dang ïaid shakhmat.
You may also like
-
Sei soh ka jingïalang ka sorkar Meghalaya-Assam bad ka seng ki nongñiah tourist
-
T.8 klur shongdor kawei ka lieng kit briew ha Kerala
-
Ong u Bah PT Sawkmie ba u long MLA, MDC bad Minister dei na ki nonghikai
-
Ki Nonghikai ki long ki atiar ba khlaiñ ban saindur ia ka jingim ki khynnah skul: Dr C Lyngdoh
-
Ka VPP ka iuh roit ia ki bor synshar tynrai lyngba ka Land Ceiling Act: Dr OS Jyrwa